پلاسٹک سرجری کروانے والے پاکستانی شوبز اسٹارز کون؟

دنیا بھر میں پلاسٹک سرجری کے ذریعے اپنے چہرے کے خدوخال بہتر کرنے کا رجحان عام ہے، جب عالمگیر شہرت یافتہ سنگر مائیکل جیکسن نے پلاسٹک سرجری کے ذریعے اپنی وضح قطع اور چہرے کو تبدیل کیا تب سے شوبز شخصیات میں پلاسٹک سرجری کروانا عام سے بات بنتی جارہی ہے، اب یہ رجحان پاکستانی شوبز انڈسٹری میں بھی پروان چڑھ رہا ہے، تاہم خیال رہے کہ پلاسٹک سرجری ہر کسی کو راس نہیں آتی اور کئی مرتبہ چہرے کے خدوخال بہتر کروانے کی کوشش میں پورا چہرہ بھی بگڑ جاتا ہے۔
آج ہم ایسی کچھ پاکستانی شوبز شخصیات کے بارے میں بتائیں گے جنہوں سے پلاسٹک سرجری کروائی ہے۔

اداکارہ سعدیہ امام جب شوبز میں شمولیت آیئں تو ان کا ناک کسی حد تک پھیلا ہوا تھا جو کہ ان کے چہرے کے ساتھ مناسب معلوم ہوتا تھا- مگر پھر انہیں کسی نے مشورہ دیا کہ اس ناک کو نوکیلا اور ستواں بنایا جائے جس کے لیے انہوں نے پلاسٹک سرجری کا سہارا لیا اور اپنی ناک کے ساتھ کیا کر ڈالا آپ خود دیکھ لیں- اس کے علاوہ انہوں نے اپنے ہونٹوں کو بھی مزید نمایاں کرنے کی کوشش کی جس سے ان کے چہرے کی قدرتی معصومیت کا خاتمہ ہو گیا۔
اداکارہ مہوش حیات نے بھی پلاسٹک سرجری کے ذریعے اپنی پوری شکل کو ہی تبدیل کروا دیا اس کا اندازہ ان کی پرانی تصاویر اور حالیہ تصاویر کے موازنے سے بخوبی لگایا جا سکتا ہے۔ انہوں نے نہ صرف اپنے چوڑے جبڑوں کو پلاسٹک سرجری سے چھوٹا کروایا بلکہ اپنی گول شکل کو بھی لمبائی میں تبدیل کروا لیا۔ تاہم اب وہ پہلے سے زیادہ حسین و جاذب نظر لگتی ہیں۔
شوبز میں کامیابی حاصل کرنے کےلیے اداکارہ سدرہ بتول نے بھی اپنے معصوم چہرے کو ایک ماڈرن چہرے میں بدلنے کی کوشش کر ڈالی۔ ان کی اس کوشش نے ان کے ہونٹوں کو نمایاں کرکے ان کے رخساروں کی ہڈیوں کو ابھار تو دیا لیکن ان کے چہرے کی قدرتی معصومیت کا بھی خاتمہ کر دیا۔
اداکارہ نور بخاری نے بھی شوبز انڈسٹری میں کام کرنے کے دوران اپنے باریک ہونٹوں کو پلاسٹک سرجری کے ذریعے تبدیل کروا کر موٹا اور نمایاں کیا جو کہ ان کی ماضی کی تصاویر اور حالیہ تصاویر کے موازنے سے واضح طور پر دیکھا جا سکتا ہے- اس تبدیلی نے ان کی شخصیت پر کیا اثر² ڈالا اس کا فیصلہ آپ خود انکا چہرہ اور ہونٹ دیکھ کر سکتے ہیں-
معروف مارننگ شو ہوسٹ شائستہ لودھی نے بھی کئی مرتبہ اپنے چہرے کی پلاسٹک سرجری کروائی اور اپنے ہونٹوں اور گالوں کو نمایاں کروایا۔ تاہم اب دو شادیوں کے بعد سرجری کے باوجود ڈھلتی عمر کی پرچھائیاں ان کے چہرے پر واضح ہونا شروع ہوگئی ہیں۔