پولیس پر حملہ: عزیر بلوچ اور ان کے ساتھی پر فرد جرم عائد
انسداد دہشت گردی کی عدالت نے لیاری آپریشن کے دوران پولیس پر حملے اور اقدام قتل کے مقدمے میں لیاری کے گینگسٹر عذیر جان بلوچ اور ان کے ساتھی پر فرد جرم عائد کردی۔
لیاری آپریشن کے دوران مبینہ گینگسٹر اور کالعدم پیپلز امن کمیٹی کے سربراہ عذیر، امین بلیدی اور دیگر افراد پر پولیس اہلکاروں کے قتل کی کوشش، ان کی گاڑیوں کو نقصان پہنچانے اور فسادات کا مقدمہ درج کیا گیا ہے۔ انسداد دہشت گردی کے ایک جج نے ملزموں کے خلاف لگائے گئے الزامات کو پڑھ کر سنایا تاہم ملزمان نے صحت جرم سے انکار کیا اور مقدمہ لڑنے کا انتخاب کیا، عدالت نے استغاثہ کے گواہوں کو ہدایت کی کہ وہ 17 اگست کو اپنے بیانات ریکارڈ کرائیں۔
یہ مقدمہ پاکستان پینل کوڈ کی انسداد دہشت گردی ایکٹ 1997 کی دفعہ 7 کے تحت بغدادی اسٹیشن میں پولیس اسٹیشن میں فسادات، قتل کی کوشش، پولیس اہلکاروں کو روکنے کے لیے مجرمانہ فورس اور اے پولیس وین کو نقصان پہنچانے کے جرم میں درج کیے گئے۔ پولیس نے 2012 میں لیاری میں آپریشن کے دوران عذیر اور اس کے ساتھیوں کے خلاف قتل، اقدام قتل اور پولیس پر حملے کے تقریباً 35مقدمات درج کیے تھے۔
پاکستان رینجرز نے جنوری 2016 میں کراچی کے نواح میں ایک چھاپے میں عزیر بلوچ کی گرفتاری کا اعلان کیا تھا اور 90 دن کی حراست کے بعد نیم فوجی دستے نے انہیں تفتیش کے لیے پولیس کے حوالے کردیا تھا۔
مشترکہ تحقیقاتی ٹیم (جے آئی ٹی) نے بھی ان سے تفتیش کی تھی تھی اور اس نے جے آئی ٹی کے سامنے مبینہ طور پر 198 افراد کے قتل کا اعتراف کیا تھا، ایک جوڈیشل مجسٹریٹ نے اپریل 2016 میں فوجداری ضابطہ کی دفعہ 164 کے تحت ان کا اعترافی بیان بھی قلمبند کیا تھا۔
فوجی حکام نے غیر ملکی انٹیلی جنس ایجنسیوں کو جاسوسی اور حساس معلومات کے غیر قانونی معلومات لیک کرنے کے الزام میں اپریل 2017 میں کراچی سنٹرل جیل سے عذیر کو حراست میں لیا تھا۔
دوسری جانب انسداد دہشت گردی کی عدالت نے ایک شخص کو کالعدم عسکریت پسند تنظیم کے لیے فنڈ اکٹھا کرنے کے الزام میں 10 سال قید کی سزا سنا دی۔ اے ٹی سی-XII کے جج نے محمد اسد قریشی عرف مُلن کو لیاقت آباد کے بندھنی کالونی میں ایک مسجد کے قریب اپریل میں تنظیم سپاہ صحابہ پاکستان کے لیے فنڈ جمع کرنے کا مجرم قرار دیا۔ جج نے اے ٹی اے 1997 کی دفعہ 11-ایچ (دہشت گردی کے لئے فنڈ اکٹھا کرنے) کے تحت 10 سال قید کی سزا سنائی اور 50،000 روپے جرمانہ عائد کیا اور جرمانے کی عدم ادائیگی کی صورت میں مجرم کو مزید 6 ماہ قید کی سزا سنانا پڑے گی۔
عدالت نے اسے اے ٹی اے کے سیکشن 11-F (ممبرشپ ، حمایت اور اجلاسوں سے متعلق اجلاس) کی دو ذیلی دفعات کے تحت بھی ساڑھے 3سال قید کی سزا سنائی اور جرمانہ بھی عائد کیا تاہم تمام سزائیں بیک وقت ساتھ چلیں گی۔
عدالت نے مشاہدہ کیا کہ استغاثہ نے ملزم کے خلاف اپنا مقدمہ کامیابی کے ساتھ ثابت کردیا چونکہ ملزم سے چندے کی کتاب کی بازیابی اور ملزم کی گرفتاری کی جگہ بغیر کسی شک و شبے کے ثابت ہوگئی ہے جبکہ اس کے کالعدم تنظیم سے وابستہ ہونے کی بھی تصدیق ہوگئی۔
