پہلی شادی کے دس منٹ بعد ہی غلطی کا احساس ہوگیا تھا

ایک انٹرویو میں معروف اداکارہ و میزبان نادیہ خان نے اپنی پہلی شادی کے حوالے سے بات کرتے ہوئے انکشاف کیا کہ اگرچہ میری پہلی شادی محبت کی تھی مگر دس منٹ بعد ہی ادراک ہوگیا تھا کہ میں نے شادی کا غلط فیصلہ کیا ہے، اس کے باوجود دس سال تک رشتے کو نبھانے کی کوشش کی۔

نادیہ خان نے بتایا میں بطور عورت اپنا گھر بسانا چاہتی تھی جس کو بچانے کےلیے دس سال تک قربانی دی۔ انہوں نے بتایا کہ وہ رشتہ ختم کرنا چاہتی تھیں تاہم ان کے گھر والے اس کے مخالف تھے۔ دس برس کوشش کے باوجود بھی شادی ناکام ہو گئی مگر میں نے اپنے ساتھ پیش آنے والے تمام معاملات والدین سے چھپا کر رکھے تھے۔ انہوں نے کہا کہ شادی کے فیصلے سے صرف میرے ہی ساتھ زیادتی نہیں ہوئی بلکہ میں سمجھتی ہوں کہ سابق شوہر کے ساتھ بھی غلط ہوا تھا۔ انہوں نے بتایا کہ بچے اکثر اپنے بیرون ملک میں رہائش پزیر والد سے ملتے ہیں اور وہ اس کی حمایت بھی کرتی ہیں۔

یاد رہے کہ اداکارہ نادیہ خان کے پہلے شوہر خاور سے دو بچے ایک بیٹی اور ایک بیٹا ہے۔ پہلے شوہر سے علیحدگی کے بعد نادیہ خان نے 2021 میں پاکستان ایئرفورس کے ریٹائرڈ افسر سے شادی کی۔