پی ٹی آئی کے 8 منحرف ارکان کا واپسی کیلئے رابطہ

پاکستان تحریک انصاف کے سینیٹر فیصل جاوید نے دعویٰ کیا ہے 8 منحرف ارکان نے واپسی کیلئے رابطہ کر لیا ہے۔
سماجی رابطوں کی ویب سائٹ ٹو یٹر پر اپنے پیغام میں انکا کہنا تھا لوگ دیکھ رہے ہیں عوام کدھر کھڑی ہے، منحرف اراکین کو اپنے حلقوں کی جانب سے بھی پریشر تھا۔
ایک اور ٹویٹ میں انہوں نے کہامعاملات طے! یہ بازی کپتان ہی جیتے گا، ایک گیند سے تین وکٹیں، اسکا کریڈٹ قوم کو جاتا ہے، اللہ تعالی پاکستان کو کامیاب و کامران کرے، عدم اعتماد کی سازش ناکام ،عثمان بزدار نے کہا کہ انکے لیے اپنی وزارت اعلیٰ اہم نہیں، وزیراعظم عمران خان اہم ہیں، پنجاب کے وزیر اعلیٰ کے لیے پرویز الہٰی نامزد ہیں۔
فیصل جاوید نے ایک اور ٹویٹ کرتے ہوئے لکھا کہ حکومت کہیں نہیں جارہی، حکومت پہلے سے زیادہ مضبوط ہونے جا رہی ہے، اپوزیشن کو تحریک عدم اعتماد میں شکست ہو رہی ہے، انشاء اللہ کامیابی وزیراعظم عمران خان کی ہے، اسکاکریڈٹ اس قوم کو جاتا ہے- عدم اعتماد کی ناکامی کےبعد وزیراعظم عمران خان اس قوم کو مزید خوشخبریاں دیں گے-جلد ہم جشن منائیں گے۔