چوہدری سرور نے لاہور میں قائم ‘غیرقانونی سب کیمپس’ کی اصولی منظوری دے دی

لاہور: محکمہ ہائر ایجوکیشن، آفیشل ایکریڈیشن کمیٹی اور محکمہ قانون کے مشوروں کو نظر انداز کرتے ہوئے گورنر و چانسلر چوہدری سرور نے پاکپتن میں لاہور میں قائم نجی یونیورسٹی کے غیر قانونی سب کیمپس کی ‘اصولی طور پر’ منظوری دے دی ہے۔
زرائع کے مطابق پنجاب میں نجی شعبے کی جامعات کے سب کیمپسوں کا معاملہ ایک عرصے سے التوا کا شکار ہے جہاں 10 جنوری 2020 کو محکمہ ہائر ایجوکیشن نے چھ نجی یونیورسٹیوں کے 23 سب کیمپسوں کو غیر قانونی قرار دیتے ہوئے ان کی انتظامیہ کو طلبہ کے مزید داخلوں سے روک دیا تھا اور داخلہ لینے والے طلبہ کو اپنی ڈگری مکمل کرنے کے لیے مرکزی کیمپس منتقل کرنے کی ہدایت کی تھی۔
اس سے قبل 23 دسمبر 2019 کو چانسلر نے یونیورسٹی کے سیکشن 7 (1) کے تحت گجرات، پاکپتن اور اسلام آباد میں غیر مجاز سب کیمپسوں کی وجہ سے یونیورسٹی آف لاہور کے لاہور آرڈیننس 2002 کے تحت معاملات کی جانچ پڑتال/ انکوائری کا حکم دیا تھا۔ ایچ ای ڈی نے یہ بھی معلوم کرنے کے لیے پانچ رکنی کمیٹی تشکیل دی ہے کہ آیا یونیورسٹی آف لاہور کی عبادت ٹرسٹ (کفیل تنظیم) ٹرسٹ ڈیڈ میں بیان کردہ اغراض و مقاصد کے مطابق کام کر رہی ہے اور ٹرسٹ کا فرانزک آڈٹ کرایا جائے۔
جب نجی جامعات نے 23 سب کیمپسوں کو غیر قانونی قرار دینے کے محکمہ ہائر ایجوکیشن کے اقدام کی سختی سے مخالفت کی تو حکومت نے فرانزک آڈٹ کروانے کے ٹی او آرز کے تحت ان سب کیمپسز کا دوبارہ معائنہ کرنے کے لیے ایک چھ رکنی کمیٹی تشکیل دی۔ فرانزک آڈٹ کو مسترد کرتے ہوئے نجی یونیورسٹیوں نے ایک ایسوسی ایشن تشکیل دی اور چانسلر کے ساتھ ایک میٹنگ کی جس نے چھ رکنی کمیٹی کو آگے بڑھنے سے روک دیا اور ایک 11 رکنی کمیٹی تشکیل دی جس میں پنجاب ہائر ایجوکیشن کمیشن کے اراکین بھی شامل تھے تاکہ 23 سب کیمپسوں کا معائنہ کرنے کے لیے ٹی او آرز کی شرائط کو نرم کیا جا سکے۔ کمیٹی کو ہجویری یونیورسٹی، قرشی یونیورسٹی ، یونیورسٹی آف سنٹرل پنجاب، نیشنل کالج آف بزنس ایڈمنسٹریشن اینڈ اکنامکس، یونیورسٹی آف لاہور اور سپیریئر کالج کے معیارات اور رہنما خطوط کی روشنی میں سب کیمپس کا معائنہ کرنے کا پابند کیا گیا۔ اپنی رپورٹ میں قائداعظم یونیورسٹی کے وائس چانسلر پروفیسر ڈاکٹر محمد علی شاہ کی سربراہی میں 11 رکنی کمیٹی نے پاکپتن میں یونیورسٹی آف لاہور سب کیمپس کو منظوری دینے کی سفارش کی لیکن کسی بھی دعوے یا معلومات کی فراہمی کے لیے کوئی معاون دستاویز منسلک نہیں کی۔ کمیٹی نے باقی پانچ یونیورسٹیوں کے سب کیمپسوں کو زمین نہ خریدنے اور فیکلٹی کی کمی کی بنا پر غیر قانونی قرار دے دیا، تاہم اس نے یونیورسٹی آف لاہور کے پاکپتن سب کیمپس کے معاملے سے الگ رویہ اختیار کیا حالانکہ یہ حقیقت سامنے آ چکی تھی کہ اسے لیز زمین پر قائم کیا گیا اور اس میں فیکلٹی کی بھی کمی تھی، یونیورسٹی آف لاہور کے گجرات سب کیمپس کا معاملہ بھی اسی بنیاد پر مسترد کردیا گیا۔ انسپیکشن کمیٹی کی رپورٹ کی روشنی میں چانسلر نے محکمہ ہائر ایجوکیشن کو دوبارہ ہدایت کی کہ وہ پنجاب کے محکمہ ہائر ایجوکیشن سے مشاورت کے بعد سفارشات پر عمل درآمد کرے۔
محکمہ ہائر ایجوکیشن نے اس رپورٹ کو ایک یاد دہانی کے ساتھ پنجاب ہائر ایجوکیشن کمیشن کے پاس بھیج دیا کہ وزیر اعلیٰ نے پہلے ہی ایکریڈیشن کمیٹی کے اس نظریے کی تائید کی ہے کہ یونیورسٹی کے کیمپس کے لیے درخواست دینے والی سوسائٹی یا ٹرسٹ کے پاس کم از کم 10 ایکڑ اراضی اور کم از کم 10 کروڑ کے اثاثے ہونے چاہئیں ، ہوسکتا ہے کہ لیز پر حاصل کی گئی زمین اس مقصد کے لیے مناسب نہ ہو۔ دستاویزات سے پتا چلتا ہے کہ پنجاب کے محکمہ ہائر ایجوکیشن کمیشن میں مشاورت کے دوران انسپیکشن کمیٹی کی سفارشات پر عمل درآمد کے بارے میں اراکین کی رائے میں واضح فرق تھا، پانچ اراکین نے سفارشات کی مخالفت کی جبکہ متعدد نے ان کی توثیق کی، محکمہ ہائر ایجوکیشن سے تعلق رکھنے والے گیارہویں رکن نے رائے دہندگی میں حصہ نہیں لیا کیونکہ محکمہ عمل درآمد کرنے والا ادارہ تھا۔ گورنمنٹ کالج یونیورسٹی کے سابق وائس چانسلر ڈاکٹر ایم خلیق نے 23 اکتوبر 2020 کو پنجاب ہائر ایجوکیشن کمیشن کے اجلاس میں شرکت کی حالانکہ ان کی تقرری کی میعاد 18 اکتوبر 2020 کو ختم ہوچکی تھی، ایکریڈیشن کمیٹی کے چیئرمین پروفیسر ڈاکٹر خالد آفتاب نے بھی اپنا اختلافی نوٹ پیش کیا۔
پنجاب ہائر ایجوکیشن کمیشن کی سمری پر محکمہ ہائر ایجوکیشن نے مشاہدہ کیا کہ یونیورسٹی آف لاہور کا گجرات سب کیمپس قانونی طور پر جائز سب کیمپس بننے کے اہل نہیں ہونے کی ایک بڑی وجہ یہ حقیقت ہے کہ بنیادی ڈھانچے/ مقصد سے بنائے گئے کیمپس کو خریدی گئی زمین کی جگہ لیز پر دی گئی زمین پر تعمیر کیا گیا ہے، یونیورسٹی آف لاہور کے پاکپتن سب کیمپس کے بارے میں یہ مشاہدہ کیا گیا کہ صوبائی کابینہ کی منظوری سے جاری کردہ معیار کو مدنظر رکھتے ہوئے اساتذہ کی کمی ہے، دوسری بات یہ ہے کہ یہ ابھی تک واضح نہیں ہے کہ آیا مقصد سے بنایا ہوا کیمپس ملکیتی اراضی پر یا کرایہ پر دی گئی زمین پر بنایا گیا ہے۔ اس میں مزید مشاہدہ کیا گیا ہے کہ اگر 2006 کے مطلع شدہ معیار کی تمام ضروریات پوری ہوجائیں تو حکومت صرف ایک سب کیمپس کھولنے کے معاملے پر کارروائی کرسکتی ہے، انسپیکشن کمیٹی کی رپورٹ خود متضاد ہے کیونکہ گجرات اور پاکپتن کیمپسوں کے ساتھ مختلف سلوک کیا گیا ہے جبکہ دونوں لیز پر موجود ہیں۔ گورنر / چانسلر کے ذریعہ معائنہ کمیٹی کے تشکیل پر ، محکمہ قانون نے بتایا کہ گورنر / چانسلر وزیر اعلی کے مشورے کا پابند ہیں جو نئی انکوائری کمیٹی تشکیل دینے کے دوران حاصل نہیں کیا گیا تھا (پہلے کی انکوائری کمیٹی کے مشورے پر تشکیل دی گئی تھی) مسٹر سرور کے ذریعہ وزیراعلیٰ کی برطرفی ہوئی)۔ اس میں مزید کہا گیا ہے کہ اس معاملے پر کوئی بھی فیصلہ وزیر اعلی کے مشورے سے بھی مشروط ہے۔ تاہم ، چانسلر نے ایچ ای ڈی کے مشاہدات اور محکمہ قانون کے مشوروں کو نظرانداز کیا اور سمری کی منظوری کے دوران مقررہ قواعد کی خلاف ورزی کی اور اپنے ہی دفتر سے براہ راست یونیورسٹی آف لاہور کے پاکپتن کیمپس کی منظوری دے دی۔ محکمہ ہائر ایجوکیشن کے سیکریٹری ندیم محبوب نے ڈان کو بتایا کہ محکمے نے اصولی طور پر منظوری کے معاملے پر سمری وزیر اعلیٰ آفس منتقل کردی ہے اور اب جواب کا انتظار ہے۔ ترجمان گورنر ہاؤس نے بتایا کہ سب کیمپس چارٹر کی منظوری سب کیمپس کا معائنہ کرنے کے لیے قائمہ کمیٹی کی سفارش پر دی گئی۔