معاشی کوششوں سےروزگار کے مواقع بڑھے ہیں،شہبازشریف

وزیراعظم محمد شہباز شریف کاکہنا ہے کہ معاشی کوششوں سےروزگار کے مواقع بڑھے ہیں۔

وزیراعظم شہبازشریف نےاوورسیز انویسٹرز چیمبر آف کامرس اینڈ انڈسٹری کی حالیہ رپورٹ پر اطمینان کا اظہار کیا۔

اوورسیز انویسٹرز چیمبر آف کامرس اینڈ انڈسٹری کی رپورٹ میں بتایا گیا ہے کہ بیرونی سرمایہ کاروں کا پاکستان پر اعتماد میں اضافہ ہواجبکہ ملک میں کاروبار کرنےکیلئےماحول میں بہتری آئی ہےاوراس حوالےسےپاکستان کےبارےمیں عالمی سوچ منفی10 فیصد سے نکل کر31 فیصد مثبت پر آگئی ہے۔

وزیراعظم کا کہنا تھا کہ رپورٹ کے مطابق پاکستان میں روزگار کے مواقع بڑھے ہیں، مینو فیکچرنگ سیکٹر کی گروتھ 2 فیصد سے 6 فیصد پر آگئی جبکہ سروسز سیکٹر کی گروتھ 7 فیصد سے بڑھ کر 30 فیصد ہو گئی ہے جو کہ ایک  نمایاں کامیابی ہے۔

شہبازشریف نے کہا کہ سیمنٹ، آٹو سیکٹر، فرٹیلائزرز اور پیٹرولیم  مصنوعات کی فروخت  میں نمایاں اضافہ دیکھا گیا ہے، یہ نتائج عالمی سطح پر سرمایہ کاروں کے لیے ایک مثبت پیغام ہے۔

وزیراعظم نے کہا کہ رپورٹ اس امر کی عکاس ہے کہ پاکستان  سرمایہ کاری کے لیے ایک امید افزا اور قابل اعتماد منزل ہے گزشتہ چند ماہ کے دوران غیر ملکی سرمایہ کاروں کے اعتماد میں اضافہ ہوا ہے۔انہوں نے کہا کہ برآمدات اور ریکارڈ ترسیلات زر کی بدولت ملکی زرمبادلہ کے ذخائر میں اضافہ ہوا عوام کو ریلیف پہنچانا ہماری ترجیح ہے، حکومتی کی بہتر معاشی پالیسیوں اور معاشی ٹیم کی محنت کے ثمرات ملنے شروع ہو گئے ہیں۔