سوزوکی نے اپنی گاڑیوں کی قیمتوں میں اضافہ کر دیا

گاڑیاں بنانے والی کمپنی سوزوکی نے اپنی گاڑیوں کی قیمتوں میں ہوشربا اضافہ کر دیا ہے۔
پاک وہیلز کی رپورٹ کے مطابق سوزوکی کمپنی نے سب سے زیادہ اضافہ اے پی وی کی قیمت میں کیا گیا جو 16 لاکھ 15 ہزار روپے اضافے کے بعد 46 لاکھ 75 ہزار روپے سے بڑھ کر 62 لاکھ 90 ہزار روپے ہوگئی ہے، سوزوکی جمنی کی قیمت 14 لاکھ 59 ہزار روپے اضافے کے بعد 45 لاکھ 90 ہزار روپے سے لمبی چھلانگ لگا کر 60 لاکھ 49 ہزار روپے ہوگئی ہے، سوزوکی راوی کی قیمت میں سب سے کم 99 ہزار روپے کا اضافہ کیا گیا اور اب یہ 11 لاکھ 17 ہزار روپے کی بجائے 12 لاکھ 16 ہزار روپے میں دستیاب ہوگی، بولان وی ایکس اور وی ایکس اے سی ماڈل کی قیمت میں ایک لاکھ 5 ہزار روپے کا اضافہ کیا گیا ہے اور یہ ماڈلز اب بالترتیب 12 لاکھ 83 ہزار اور 13 لاکھ 70 ہزار روپے کے ہوگئے ہیں، سوزوکی بولان کارگو کی قیمت 11 لاکھ 78 ہزار روپے سے بڑھ کر 12 لاکھ 70 ہزار روپے ہوگئی ہے یعنی ایک لاکھ 5 ہزار روپے کا اضافہ کیا گیا ہے۔
رپورٹ کے مطابق سوئفٹ جی ایل ایکس سی وی ٹی کی قیمت میں 2 لاکھ 70 ہزار روپے کا اضافہ ہوا اور اب اسے خریدنے کے لیے 28 لاکھ 99 ہزار روپے کی بجائے 31 لاکھ 69 ہزار روپے خرچ کرنا ہوں گے، سوئفٹ جی ایل سی وی ٹی کی قیمت 2 لاکھ 9 ہزار روپے اضافے کے بعد 26 لاکھ 99 ہزار روپے سے بڑھ کر 29 لاکھ 8 ہزار روپے کردی گئی ہے، سوئفٹ کا جی ایل مینوئل ورژن 24 لاکھ 99 ہزار روپے کی بجائے اب 26 لاکھ 94 ہزار روپے ہوگئی ہے یعنی ایک لاکھ 95 ہزار روپے کا اضافہ کیا گیا ہے، سوزوکی سوئفٹ کے نئے ماڈل کمپنی نے فروری 2022 میں متعارف کرائے تھے اور اب ان کی قیمتوں میں بھی اضافہ کردیا گیا ہے، کلٹس اے جی ایس کی قیمت میں 2 لاکھ 40 ہزار روپے کا اضافہ ہوا ہے اور اب وہ 24 لاکھ 22 ہزار روپے سے بڑھ کر 26 لاکھ 62 ہزار روپے ہوگئی ہے، کلٹس وی ایکس ایل کی قیمت 2 لاکھ 30 ہزار روپے بڑھائی گئی ہے اور اب اسے خریدنے کے لیے 22 لاکھ 44 ہزار روپے کی بجائے 24 لاکھ 74 ہزار روپے خرچ کرنا ہوں گے، اسی طرح 1000 سی سی سوزوکی کلٹس وی ایکس آر کی قیمت 2 لاکھ 20 ہزار روپے اضافے کے بعد 20 لاکھ 30 ہزار روپے سے بڑھ کر 22 لاکھ 50 ہزار روپے ہوگئی ہے۔
رپورٹ میں بتایا گیا ہے کہ 1000 سی سی سوزوکی ویگن آر وی ایکس آر کی قیمت ایک لاکھ 42 ہزار روپے کے اضافہ، ویگن آر وی ایکس ایل ایک لاکھ 54 ہزار روپے مہنگی اور ویگن آر اے جی ایس کی قیمت میں ایک لاکھ 61 ہزار روپے کا اضافہ ہوا ہے اور اب وہ 21 لاکھ 58 ہزار روپے کی بجائے 23 لاکھ 19 ہزار روپے میں دستیاب ہوگی، سوزوکی آلٹو وی ایکس کی قیمت میں ایک لاکھ 19 ہزار روپے ، آلٹو وی ایکس آر کی قیمت ایک لاکھ 29 ہزار روپے، آلٹو وی ایکس ایل اے جی ایس ماڈل ایک لاکھ 39 ہزار روپے مہنگا ہوا۔