پی سی بی کاکھلاڑی کا فٹنس ، ٹریننگ ریکارڈ رکھنے کیلئے امریکی کمپنی سے معاہدہ
پاکستان کرکٹ بورڈ نے کھلاڑیوں کی فٹنس اور ٹریننگ کا مکمل ٹریک ریکارڈ رکھنے کیلئے امریکی کمپنی سے معاہدہ کر لیا ۔
معاہدے کی تقریب کا انعقاد پاکستان کرکٹ بورڈ کے ہیڈ کوارٹرز قذافی سٹیڈیم لاہور میں کیا گیا تھا۔ بورڈ کے چیف ایگزیکٹو فیصل حسنین اور ڈیجیٹل سٹیٹس کے چیف ٹیکنالوجی آفیسر محمد اویس جنجوعہ نےتین سالہ معاہدے پر دستخط کیے۔
امریکی کمپنی اور پاکستان کرکٹ بورڈ کے مابین ہونیوالے معاہدے کے مطابق ڈیجیٹل سٹیٹس نیشنل ہائی پرفارمنس سینٹر کوانٹیلی جنس پلیئرزمنیجمنٹ کی طرز پر ایک مربوط سافٹ وئیر بنا کر دے گی۔
خیال رہے کہ ڈیجٹل اسٹیٹس، ویڈیو اینالیٹکس اور آرٹیفیشل انٹیلی جنس میں مہارت رکھتی ہے۔
