عالیہ حمزہ  اور صنم جاویداپنے جرائم کی سزائیں بھگت رہی ہیں، عظمیٰ بخاری

وزیر اطلاعات پنجاب عظمیٰ بخاری کا کہنا ہے کہ  عالیہ حمزہ اور صنم جاوید اپنے جرائم کی سزائیں بھگت رہی ہیں، ان کو مریم نواز نے نہیں کہا تھا کہ شہداء کے مجسمے جلائیں اور کور کمانڈر ہاؤس کا محاصرہ کریں ۔

عظمیٰ بخاری نے مزید کہا کہ 9 مئی کو تو فسادیوں کا ٹولہ قلعے فتح کرنے نکلا تھا، اب مگر مچھ کے آنسو کیوں بہا رہے ہیں؟۔

وزیراعلی پنجاب نے عید پر بہترین انتظامات پر انتظامیہ کی کارکردگی کو سراہا

وزیر اطلاعات پنجاب نے کہا کہ مریم نواز نے صرف نواز شریف کی بیٹی ہونے کے جرم میں دو بار جیل کاٹی، مریم نواز نے کبھی عورت کارڈ کھیلا، نہ جیل میں سہولیات نہ ملنے کا شکوہ کیا۔

عظمیٰ بخاری کا کہنا تھا کہ مذہبی ٹچ، عورت کارڈ اور غداری کارڈ تحریک انصاف کے پسندیدہ مشاغل ہیں، کل تک آپ اقتدار کی کرسی پر بیٹھ کر رعونت سے للکار تھے ، آج پاؤں پکڑ رہے ہیں۔