جلسہ نہیں ہوا،علی امین گنڈاپور سیاست چھوڑنے کاوعدہ پورا کریں،امیرمقام

وفاقی وزیر امیرمقام نے کہا کہ علی امین گنڈا پور نے گزشتہ روز کہا تھا کہ اسلام آباد میں جلسہ نہ کیا تو سیاست چھوڑ دوں گا، اب وہ اپنا وعدہ پورا کریں۔

 وفاقی وزیر سیفران انجینئر امیر مقام کا پی ٹی آئی جلسے کی منسوخی اور وزیراعلیٰ خیبرپختونخوا علی امین گنڈاپورکیجانب سے پیسے بانٹنے کی ویڈیو کے ردعمل میں کہنا تھا کہ وزیراعلی علی امین گنڈا پور کے پاس پی ٹی آئی ورکروں کو دینے کے لئے پیسے ہیں خیبرپختونخوا کے عوام کو ریلیف دینے کے لئے نہیں۔پانچ پانچ ہزار روپے اسلام آباد پر حملے کے لئے ہیں، خیبرپختون خوا کے عوام کو بجلی بلوں میں ریلیف دینے کے نہیں۔اسلام آباد پر حملے کے لئے خیبرپختون خوا کے سرکاری وسائل کو استعمال کیاجارہا ہے۔

سپریم کورٹ،الیکشن ایکٹ حالیہ ترمیم کیخلاف درخواست دائر

امیرمقام نے کہا کہ ہمیں علم ہے کہ علی امین گنڈاپور صبح کیا بات کرتے ہیں اور رات کو کیا بات کرتے ہیں۔اسلام آباد پر حملہ اس لئے کیا جارہا ہے کیونکہ ملک میں مہنگائی تین سال کی کم ترین سطح پر آگئی ہے۔بلڈوزر، کرینوں اور کھدائی والی مشینوں سے بجلی سستی نہیں ہو گی۔علی امین گنڈا پور وزیراعلی نہیں ولن بننے کی کوشش کر رہے ہیں۔