ذوالفقار بھٹو جونیئر کا سیاست میں آنے کا اعلان
سابق وزیر اعظم ذوالفقار علی بھٹو شہید کے پوتے اور میر مرتضیٰ بھٹو کے صاحبزادے ذوالفقار علی بھٹو جونیئر نے سیاست میں آنے کی تصدیق کر دی۔
بانی پیپلز پارٹی ذوالفقار علی بھٹو کے پوتے ذوالفقار علی بھٹو جونیئر نے ایک بیان میں کہاکہ یہ درست ہے میں سیاست میں آنے کا ارادہ رکھتا ہوں اور اس کا آغاز میں پیپلز پارٹی کے شہید بھٹو گروپ سے کروں گا۔
ذوالفقار علی بھٹو جونیئر نے کہا اس جماعت کی بنیاد میرے بابا نے رکھی تھی،وہ ابھی تک موجود ہے اور ہم اس کی قیادت کریں گے،مجھے اپنے ملک سےاور لوگوں سے بہت کچھ سیکھنا ہے کیوں کہ مجھے نہیں لگتا کہ میں سب کچھ جانتا ہوں میں اس کےلیے تیاریاں کررہا ہوں۔
انہوں نے کہاکہ سندھ میں متنازع نہروں کا معاملہ وہاں کے لوگوں کی زندگی اور موت کا مسئلہ ہے،سندھ میں پانی نہیں ہوگا تو انسان اور آبی حیات زندہ نہیں رہ سکیں گی۔
پی ٹی آئی نے دہشت گردی کے خلاف ساتھ بیٹھنے کےلیے شرائط عائد کردیں : خواجہ آصف
ذوالفقار جونیئر نے اس صورت حال کو ثقافتی نسل کشی سے بھی تعبیر کیا۔
ایک سوال کے جواب میں ان کاکہنا تھاکہ سندھ میں حکومت ابھی کانپ رہی ہے کیوں کہ انہوں نے دیکھا ہےکہ کتنے لوگ احتجاج کررہے ہیں جن میں اسکول کے بچے اور خواتین بھی شامل ہیں اس لیے یہ بیانیہ تبدیل کر رہے ہیں۔
