افغانستان کالعدم TTP کے حملوں کی سرپرستی کر رہا ہے : منیر اکرم

اقوام متحدہ میں پاکستان کے مستقل مندوب منیر اکرم کا کہنا ہے کہ کالعدم تحریک طالبان پاکستان (ٹی ٹی پی) افغانستان میں دہشت گرد تنظیموں کےلیے ایک چھتری تنظیم بن رہی ہے اور کابل حکام ان کے حملوں کی سرپرستی کر رہے ہیں۔

پاکستان کے مستقل مندوب منیر اکرم نے اقوام متحدہ کی سلامتی کونسل کے اجلاس میں خطاب کرتےہوئے افغان عبوری حکومت کو شدید تنقید کا نشانہ بنایا اور کہا کہ وہ خطے کو لاحق خطرات سے نمٹنے میں ناکام ہوچکی ہے۔

منیر اکرم نے کہاکہ کالعدم ٹی ٹی پی افغانستان میں سرگرم سب سے بڑی دہشت گرد تنظیم ہے۔ کالعدم ٹی ٹی پی سرحدی محفوظ پناہ گاہوں سے پاکستان پر حملےکرتی ہے۔

انہوں نے کہاکہ کالعدم ٹی ٹی پی کے حملوں کے نتیجےمیں سیکڑوں جانیں ضائع ہوچکی ہیں جب کہ بی ایل اے اور مجید بریگیڈ بھی پاک چین اقتصادی تعاون کو سبوتاژ کرنےکی کوشش کر رہی ہیں اور شواہد ہیں کہ کابل حکام ان حملوں کی سرپرستی کررہے ہیں۔

انہوں نے واضح کیا کہ پاکستان دہشت گردی کے خطرات کو ختم کرنے کےلیے تمام ضروری اقدامات کرےگا۔

مستقل مندوب منیر اکرم نے یو این سیکرٹری جنرل کی رپورٹ میں دہشت گردی کے تذکرے کےفقدان پر شدید حیرت اور مایوسی کا اظہار کیا۔

منیر اکرم نے کہاکہ افغانستان میں موجود 20 سے زائد دہشت گرد تنظیمیں خطے اور دنیا کےلیے خطرہ ہیں، پاکستان اقوام متحدہ میں مناسب لائحہ عمل تشکیل دینے کےلیے مشاورت کا آغاز کرے گا۔

ان کاکہنا تھاکہ اس میں دوحہ عمل کے تحت انسداد دہشت گردی پر ورکنگ گروپ قائم کیا جائےگا۔

سندھ کا پانی کم کرنے کی بات میں کوئی صداقت نہیں : احسن اقبال

منیر اکرم نے سلامتی کونسل کو پاک افغان سرحد سے داعش دہشت گرد محمد شریف اللہ کی گرفتاری سے بھی آگاہ کیا۔