ATC نے عمران خان کی ذاتی ڈاکٹرز سے علاج کی درخواست مسترد کردی

درخواست میں مؤقف اختیار کیا گیا تھا کہ ذاتی معالجین کے ذریعے میڈیکل چیک اپ آئینی، قانونی اور اخلاقی حق ہے، اور سابق وزیراعظم نواز شریف کو بھی ذاتی معالج دستیاب تھے۔ وکیل صفائی فیصل ملک نے دلائل دیتے ہوئے کہا کہ عمران خان سابق وزیراعظم اور قومی ہیرو ہیں، اور یہ ان کا بنیادی حق ہے۔

سماعت کے دوران سپرنٹنڈنٹ اڈیالہ جیل نے عدالت کو آگاہ کیا کہ عمران خان کا علاج جاری ہے اور میڈیکل رپورٹ جمع نہیں کرائی گئی۔

بعد ازاں جج امجد شاہ نے محفوظ فیصلہ سناتے ہوئے درخواست مسترد کر دی اور کہا کہ جیل رولز کے تحت ملزم کا مناسب علاج معالجہ جاری ہے۔