حزب اللہ کےخاتمے کا سوچنے والاخود مٹ جائے گا، آیت اللہ خامنہ ای

ایران کے سپریم لیڈر  آیت اللہ خامنہ ای کا کہنا ہےکہ حزب اللہ کےخاتمے کا سوچنے والا اسرائیل خود مٹ جائے گا۔
ایران کے سپریم لیڈر  آیت اللہ خامنہ ای کا کہنا ہے کہ شام میں کیے گئے اقدامات سے صیہونی حکومت کو مزاحمت ختم ہونےکی غلط فہمی ہوگئی ہے۔

دوسری جانب  ترک صدر طیب اردوان کی یورپی کمیشن کی صدر ارسلا وان سے ملاقات ہوئی جس میں شام کی تعمیر نو اور مہاجرین کی واپسی کے لیے مل کر کام کرنے کا فیصلہ کیا گیا۔

اقوام متحدہ کی سلامتی کونسل کا اجلاس بھی ہوا جس میں شام کے لیے اقوام متحدہ نمائندے نے شام پر پابندیوں کے خاتمے کی ضرورت پر زور دیا۔

اسرائیل کی جنوبی شام میں پیش قدمی اب تک جاری ہےاوراسرائیلی فوج نےدریائے یرموک پر قبضہ کرنے کا دعویٰ کیا ہےجبکہ  اسرائیل کی جانب سےمقبوضہ گولان کے علاقے قلمون میں بھی بمباری کی گئی۔