پاکستان میں دہشت گردی کے پیچھے افغانستان میں دہشت گردوں کی محفوظ پناہ گاہیں ہیں : طارق فاطمی
وزیر اعظم کے معاون خصوصی برائے خارجہ امور طارق فاطمی کا کہنا ہے کہ افغانستان میں دہشت گردوں کے محفوظ ٹھکانے موجود ہیں،ان محفوظ پناہ گاہوں نے پاکستان کو دہشت گردی کا شکار بنادیا ہے۔
معروف امریکی تھنک ٹینک کارنیگی انڈوومنٹ فار انٹرنیشنل پیس میں گفتگو کرتےہوئے معاون خصوصی طارق فاطمی کاکہنا تھاکہ منفرد مقام و حیثیت کے حامل پاکستان کو کسی بھی غیر ملکی یا علاقائی عدسے سے نہیں دیکھا جاناچاہیے۔
طارق فاطمی کاکہنا تھاکہ افغانستان میں دہشت گردوں کے ٹھکانے پاکستان کو غیرمحفوظ بنارہے ہیں،امریکا پاکستان کو کسی بھی غیرملکی یا علاقائی عدسے سے دیکھنے کے بجائے آزادانہ طور پر دیکھے۔
وزیر اعظم کے معاونِ خصوصی نے پاک امریکا تجارتی تعلقات کو مزید فروغ دینےسے متعلق مواقعوں کو اجاگر کرتےہوئے کہاکہ امریکی سرمایہ کار پاکستان کا دورہ کریں اور میسر مواقعوں سے استفادہ حاصل کریں۔
طارق فاطمی کاکہنا تھا کہ چیلنجز کے باوجود پاکستان غیرملکی سرمایہ کاری کےلیے ایک امید افزا اور منافع بخش منزل ہے۔
کراچی: پولیس کیمپ پر کریکر حملہ، پولیس اہلکار سمیت 4 افراد زخمی
قبل ازیں طارق فاطمی نے واشنگٹن میں امریکی کانگریس کے ریپبلکن اور ڈیموکریٹ رہنماؤں سے ملاقاتیں کرکے پاک امریکا تعلقات،دوطرفہ تعاون اور معاشی تعلقات کے حوالے سے تفصیلی بات چیت کی۔
