ٹی ٹونٹی ورلڈکپ: کینیڈا کی نیوزی لینڈ کیخلاف بیٹنگ جاری

ٹی ٹونٹی ورلڈکپ کے 31ویں میچ میں کینیڈا کی نیوزی لینڈ کے خلاف بیٹنگ جاری ہے۔

اس سے قبل ٹی ٹونٹی ورلڈکپ کے 31ویں میچ میں کینیڈا نے نیوزی لینڈ کے خلاف ٹاس جیت کر پہلے بیٹنگ کرنے کا فیصلہ کیا ہے۔

چنئی میں کھیلے جانے والے میچ میں کینیڈا کے کپتان دلپریت باجوہ نے کہا کہ وکٹ اچھی نظر آ رہی ہے اور بعد میں سپن بھی مددگار ثابت ہو سکتا ہے، جس سے فائدہ اٹھانے کی کوشش کریں گے۔

نیوزی لینڈ کے کپتان مچل سینٹنر گزشتہ رات برگر کھانے کے بعد طبیعت ناساز ہونے کی وجہ سے میچ میں حصہ نہیں لے پا رہے، اور ان کی جگہ ڈیرل مچل ٹیم کی قیادت کر رہے ہیں۔

گروپ ڈی میں جنوبی افریقہ پہلے ہی سپر ایٹ میں پہنچ چکی ہے، جبکہ کینیڈین ٹیم اس دوڑ سے باہر ہو چکی ہے۔ نیوزی لینڈ کے لیے آج کا میچ جیتنا سپر ایٹ میں رسائی کے لیے ضروری ہے۔