چیمپنئزٹرافی پی سی بی فارمولےپرہوگی،بھارتی میڈیا کادعویٰ

بھارتی میڈیا نے دعویٰ کیاہے کہ بی سی سی آئی فیوژن فارمولے کے تحت آئی سی سی چیمپئنز ٹرافی کھیلنےپررضامند ہو گیا ہے۔

بھارتی میڈیا رپورٹ میں دعویٰ کیا گیاہےکہ بھارتی بورڈ فیوژن فارمولا اپنے ایونٹس پر لاگو نہیں کرنا چاہتا۔

بی سی سی آئی اس بات پر راضی ہو گیا ہے کہ پاکستان بھارت میں ہونے والے آئی سی سی ایونٹ کے گروپ میچز نیوٹرل وینیو پر کھیلے۔

تاہم بی سی سی آئی نے واضح کر دیا ہے کہ اگر پاکستان سیمی فائنل یا فائنل میں پہنچے تو اسے بھارت میں کھیلنا ہو گا۔

بھارتی میڈیا رپورٹس میں کہا جا رہا ہے کہ پاکستان چیمیئنزٹرافی ایونٹس کا بائیکاٹ کرے گا تو اسے قانونی چارہ جوئی کاسامنا کرناپڑسکتا ہے۔

یاد رہے کہ پی سی بی نے 3 سال تک بھارت میں شیڈول آئی سی سی ایونٹس کے لیے فیوژن ماڈل پیش کیا۔

 پی سی بی کا دو ٹوک مؤقف ہے کہ بھارت پاکستان میں کوئی میچ نہیں کھیلےگا تو پاکستان بھی آئی سی سی کے کسی میچ کیلئےٹیم بھارت نہیں بھیجےگا۔

ذرائع کا کہنا ہے کہ پاکستان کرکٹ بورڈ اپنے مؤقف سے پیچھے ہٹنے کے لیے تیار نہیں ہے۔

 بھارتی ہٹ دھرمی اور کھیلوں میں سیاسی مداخلت کے باعث آئی سی سی نے تاحال چیمپئنز ٹرافی کے شیڈول کا اعلان بھی نہیں کیا۔