پاکستان میں چینی کمپنی چین گن نے پہلی ایس یو وی گاڑی متعارف کرا دی

پاکستان میں چینی کمپنی چین گن نے اپنی پہلی ایس یو وی گاڑی متعارف کرا دی.

پاک وہیلزنے اپنی رپورٹ میں بتایا کہ چین گن اوشان ایکس 7 پاکستان کی ماسٹر موٹرز اور چین کی چین گن کی شراکت داری سے متعارف کرائی جانے والی دوسری مسافر گاڑی ہے۔یہ گاڑی 2 ورژن اوشان ایکس 7 کمفرٹ اور اوشان ایکس 7 فیوچر سنس میں دستیاب ہوگی۔فیوچر سنس میں 5 جبکہ کمفرٹ ماڈل میں 7 نشستیں موجود ہوں گی۔ان دونوں ماڈلز میں 1.5 لیٹر ٹوبو چارج پٹرول انجن ہے جو 185 ہارس پاور اور 300 نیوٹن میٹر آف ٹورکیو فراہم کرے گا۔گاڑی میں 7 اسپیڈ ڈی سی ٹی آٹومیٹک ٹرانسمیشن کا فیچر موجود ہے۔گاڑی کا فرنٹ کافی بڑا اور اسپورٹ لک کے ساتھ ہے جبکہ ایل ای ڈی ہیڈلائٹس اور ڈے ٹئم رننگ لائٹس موجود ہیں۔

رپورٹ کے مطابق 5 نشستون والے ماڈل میں پاورڈ ٹیل گیٹ کا فیچر ہے جبکہ 7 نشستوں والے ماڈل میں یہ کام مینوئلی کرنا ہوگا۔فیوچر سنس میں اڈاپٹو کروز کنٹرول ہے جو خودکار طور پر سامنے موجود گاڑی کے مطابق رفتار کو ایڈجسٹ کرتا ہے جبکہ کمفرٹ ماڈل میں یہ کام مینوئلی کرنا ہوگا۔اسی طرح فیوچر سنس ماڈل میں رئیل ٹائم 360 ویو کیمرا دیا گیا ہے جبکہ دوسرے میں بس ایک رئیر کیمرا موجود ہے۔

عالمی منڈی میں تیل اورگیس کی قیمتیں آسمان سے باتیں کرنے لگیں

فیوچر سنس ماڈل میں ٹکراؤ سے خبردار کرنے والا فیچر بھی موجود ہے جبکہ ڈیش کیم سے 30 سیکنڈز کی ویڈیو

ریکارد کرسکتا ہے۔آٹو ایمرجنسی بریکنگ فیچر بھی گاڑی کا حصہ ہے اور ان سیفٹی فیچرز کے لیے فیوچر سنس ماڈل میں فرنٹ گرل میں راڈار نصب ہے جبکہ دوسرے ماڈل میں یہ راڈار نہیں۔

پاک وہیلز کی رپورٹ کے مطابق اوشان ایکس 7 کمفرٹ کی قیمت 57 لاکھ 50 ہزار جبکہ اوشان ایکس 7 فیوچر سنس کی قیمت 59 لاکھ 50 ہزار روپے رکھی گئی ہے۔ان ماڈلز کو 12 لاکھ روپے کے عوض بک کرایا جاسکتا ہے۔