عدالت نےعمران خان کی بچوں سے بات کرانے اور ذاتی ڈاکٹرز سے طبی معائنے کی درخواستیں منظور کر لیں

اسپیشل سینٹرل عدالت نےبانی پی ٹی آئی عمران خان کی بچوں سےفون پر بات کرانے اور طبی معائنے کی درخواستوں پرفیصلہ سنادیا۔

اسلام آبادکےاسپیشل سینٹرل جج شاہ ارجمند نے بانی پی ٹی آئی کی جانب سے بچوں سے فون پر با ت کروانے اور ذاتی ڈاکٹرز سےطبی معائنے سے متعلق درخواستوں پر فیصلہ سنایا۔

عدالت نےدونوں درخواستیں منظور کرتے ہوئے اپنے فیصلےمیں کہا کہ رواں سال اور گزشتہ سال جیل حکام کو بانی پی ٹی آئی کی ہفتہ واربچوں سے واٹس ایپ پربات کروانےکا حکم دیاتھا لہٰذا اڈیالہ جیل سپرنٹنڈنٹ عدالتی احکامات پر عمل درآمد کریں۔

امریکہ سے آئے وفد نے عمران خان کا کوئی ذکر نہیں کیا، اسپیکر ایاز صادق

عدالتی حکم نامےمیں کہا گیا ہے کہ جیل حکام واٹس ایپ کال سےمتعلق تعمیلی رپورٹ عدالت میں جمع کروائیں۔

عدالت نے اپنے فیصلےمیں کہا کہ جیل میں موجود ڈاکٹرزکی موجودگی میں بانی پی ٹی آئی کےذاتی ڈاکٹرز کوطبی معائنہ کرنے دیا جائےاور طبی معائنے سے متعلق تعمیلی رپورٹ 28 اپریل کو عدالت میں جمع کروائی جائے۔