بیرونی سازش اورمداخلت سے بنی حکومت کا کوئی مستقبل نہیں

مسلم لیگ ق کے رہنما اور سپیکر پنجاب اسمبلی چوہدری پرویز الٰہی نے کہا ہے کہ بیرونی سازش اور مداخلت سے بنی حکومت کا کوئی مستقبل نہیں،ضمانتوں پر بنی حکومت کے پاؤں جلد اکھڑ جائیں گے۔
ایک ویڈیو پیغام میں قوم کو عید کی مبارکباد دیتے ہوئے انکا کہنا تھا ضمانتوں پر بننے والی حکومت کے میری دعا ہے کہ عمران خان کی قیادت میں پاکستان کو عالم اسلام میں وہ مقام ملے جو پاکستان حاصل نہیں کر سکا، نیت ٹھیک ہو تو ہر کام میں اللہ کی برکت شامل ہو جاتی ہے، اللہ تعالی پاکستان کو اقوام عالم میں ممتاز مقام عطا فرمائے، اللہ کریم پاکستانی قوم کو عید کی ڈھیر وں خوشیاں عطا فرمائے۔
چوہدری پرویز الٰہی کا کہنا تھامنحرف ارکان کے بل بوتے پر بننے والی حکومت کسی وقت بھی گر سکتی ہے، پنجاب میں 25 منحرف ارکان کے ریفرنس میں نا اہلی نوشتہ دیوار ہے، امید ہے الیکشن کمیشن ضمیر بیچنے والوں کو جلد از جلد نا اہل کرے گا۔
مسلم لیگ ق کے رہنما اور سابق وزیر مونس الٰہی کا اپنے پیغام میں کہنا تھا سازش کے ذریعے اقتدار میں آنے والے ڈیلیور کرنے کی صلاحیت نہیں رکھتے، عمران خان کو قوم کی بھرپور تائید ہے، ان کی ہر کال پر عوام باہر نکل رہے ہیں، لانگ مارچ کی کال کو بھی عوامی حلقوں نے خوش آمدید کہا ہے، تحریک انصاف اور پاکستان مسلم لیگ ہم قدم ہو کر عوام کی آواز بلند کر رہے ہیں، پنجاب میں غیر آئینی و غیر قانونی حکمرانوں کا ڈراپ سین جلد ہوگا، پنجاب پولیس اور انتظامیہ کے ذریعے جعلی حلف اور اقتدار قوم کو قبول نہیں، عمران خان نے ہمیشہ ملک اور قوم کے حقیقی ایشوز پر آواز بلند کی۔