توانائی بحران ،وزیراعظم کاوزیرپیٹرولیم کوبھرپورمانیٹرنگ کاحکم
وزیر اعظم شہباز شریف کاکہنا ہے کہ پاکستان میں پٹرولیم کی درآمدات کی فراہمی کے نظام کو بہتر بنانے کے لیے وزیر پٹرولیم کو مزید فعال کردار ادا کرنا چاہیے۔
شہبازشریف کی زیرصدارت علاقائی صورتحال کے پیش نظر ایندھن کی بچت اور کفایت شعاری کے اقدامات کے نفاذ پر اجلاس ہوا ۔
اجلاس کو آگاہ کیا گیا کہ پوری صورتحال کی نگرانی کی جا رہی ہے اور پیٹرولیم مصنوعات کے ریکارڈ رکھے جا رہے ہیں تاکہ کسی بھی بے قاعدگی کا فوری پتا لگایا جا سکے۔
وزیراعظم نے زور دیا کہ تمام متعلقہ محکمے ہنگامی اقدامات کے لیے تیار رہیں جب تک کہ صورتحال بہتر نہ ہو جائے۔
اجلاس کو بتایا گیا کہ ملک میں پٹرولیم مصنوعات کا مناسب ذخیرہ موجود ہے تاکہ ضروریات پوری کی جا سکیں اور وزیراعظم کی ہدایات پر عمل درآمد کو یقینی بنایا جا رہا ہے۔
مزید بتایا گیا کہ انٹیلیجنس بیورو تمام اقدامات کے نفاذ کی نگرانی کی رپورٹ پیش کرے گا۔
اجلاس کو یہ بھی آگاہ کیا گیا کہ کابینہ کے اراکین نے رضاکارانہ طور پر اپنی تنخواہیں نہیں لی ہیں اور سرکاری محکموں میں ایندھن کے استعمال میں کمی سے مثبت نتائج سامنے آئے ہیں۔
یہ بچت کے اقدامات موجودہ صورتحال میں عوام کو ریلیف فراہم کرنے میں مددگار ثابت ہوں گے۔
اجلاس میں بتایا گیا کہ ملک میں ادویات کا بھی مناسب ذخیرہ موجود ہے تاکہ قومی ضروریات پوری کی جا سکیں۔
