ایکشن فلم ’فتح‘ کا دھماکہ خیز ٹریلر جاری

مشہور اداکار سونو سود نےاپنی ہدایتکاری کی پہلی فلم’فتح‘ کا دھماکہ خیز ٹریلر ریلیز کر دیا۔

 فلم سائبر کرائم اور جدید دور کے ڈیجیٹل خطرات کےپس منظر میں ایکشن سے بھرپور کہانی پیش کرتی ہے۔ فلم10 جنوری2025 کو سینما گھروں کی زینت بنے گی اور اسے شکتی ساگر پروڈکشنز اور زی اسٹوڈیوز کے بینر تلے تیار کیا گیا ہے۔

کہانی ایک سابق اسپیشل آپس افسر (سونو سود)کے گرد گھومتی ہے، جو اپنی مہارت اور طاقت سے سائبر جرائم کے ایک بڑے نیٹ ورک کو تباہ کرنے کے مشن پر ہے۔ ٹریلر میں دکھایا گیا ہے کہ کس طرح ایک گمشدہ خاتون کی تلاش پوری فلم کو ایک زبردست جنگ میں بدل دیتی ہے۔

فلم میں سونو سود کے ساتھ جیکلین فرنینڈز، وجے راز، اور نصیرالدین شاہ جیسے بہترین اداکار شامل ہیں، جو اس ایکشن سے بھرپور فلم کو مزید دلچسپ بناتے ہیں۔

اداکار سونو سود نے کہا:”’فتح‘ صرف میری ہدایتکاری کی پہلی فلم نہیں، بلکہ یہ ایک ایسا موضوع ہے جو ہم سب کی زندگیوں سے جڑا ہوا ہے۔فلم کا مقصد ان چھپے ہوئے سائبر خطرات کو نمایاں کرنا اور ان کیخلاف لڑنے کا جذبہ پیدا کرنا ہے۔”