وزیراعظم کا انتخابی نتائج پر اظہار اطمینان ،ن لیگ قیادت کو مبارکباد

وزیراعظم شہباز شریف نے ضمنی انتخابات میں شاندار کامیابی پر اظہار اطمیان کیا اور مسلم لیگ (ن) کی قیادت   کو مبارکباد دی۔

وزیراعظم نے این اے 129 سے حافظ محمد نعمان اور این اے 143 چیچہ وطنی سے محمد طفیل جٹ کو کامیابی پر felicitations دیتے ہوئے کہا کہ یہ فتح قائد نواز شریف کے وژن اور ان کی مثالی قیادت کا نتیجہ ہے۔

انہوں نے مزید کہا کہ ضمنی انتخابات میں کامیابی مریم نواز کی انتھک جدوجہد اور عوامی اعتماد کی علامت ہے، جب کہ یہ نتائج حکومت کی کارکردگی پر عوام کے بھرپور اعتماد کی ترجمانی بھی کرتے ہیں۔

وزیراعظم کے مطابق ضمنی الیکشن میں حاصل ہونے والی اس کامیابی میں پارٹی کارکنان کی مسلسل محنت بھی شامل ہے۔

واضح رہے کہ ضمنی انتخابات میں مسلم لیگ (ن) نے قومی اسمبلی کی تمام 6 نشستیں اپنے نام کیں جبکہ صوبائی اسمبلی کی 7 میں سے 6 نشستوں پر بھی کامیابی حاصل کی۔ صوبائی سطح پر پیپلز پارٹی صرف ایک نشست جیتنے میں کامیاب رہی۔