یوٹیلیٹی سٹورزپرآٹے اورچینی کی قیمتوں میں بڑی کمی

وزیراعظم شہبا ز شریف کی ہدایت کہ عید تک آٹے اور چینی کی قیمتوں میں کمی کی جائے کے بعد یوٹیلیٹی سٹورز پر آٹے اور چینی کی قیمتوں میں بڑی کمی کر دی گئی ہے۔

یوٹیلیٹی سٹورز پر چینی کی قیمت میں 15 روپے فی کلو کمی اور آٹے کا 10 کلو تھیلہ 400 روپے اور 20 کلو کا تھیلہ 800 روپے میں دستیاب ہوگا۔

ترجمان یوٹیلیٹی سٹورز نے کہا ہے کہ کارپوریشن کی انتظامیہ سبسڈائزڈ اشیاء کی وافر مقدار میں فراہمی کو یقینی بنانے کوشاں ہے، صارفین اپنے شناختی کارڈ کی کاپی ساتھ لائے اور وفاقی حکومت کے رمضان ریلیف پیکیج سے مستفید ہوں۔

پاکستانی معیشت کو بڑے خطرات کے سامنے کا اندیشہ ہے، ورلڈ بینک

یوٹیلیٹی سٹورزکارپوریشن کے اعلان کے مطابق ملک بھر کے یوٹیلیٹی اسٹورز پر چینی کی قیمت میں 15 روپے فی کلو کمی کی گئی ہے، اور آٹے کے 10 کلو تھیلے پر 75 روپے کی رعایت دی گئی ہے، اب ملک بھر کے تمام یوٹیلیٹی اسٹورز پر چینی 70 روپے فی کلو دستیاب ہوگی، جب کہ آٹے کا 10 کلو تھیلا 400 روپے اور 20 کلو کا تھیلا 800 روپے میں دستیاب ہوگا۔