گنڈاپور نے خیبرپختونخوا میں آپریشن کی مخالفت کردی
وزیر اعلیٰ خیبرپختونخوا علی امین گنڈاپور نے صوبے میں آپریشن کی مخالفت کرتے ہوئے کہاکہ خیبرپختونخوا میں کسی صورت آپریشن کی اجازت نہیں دیں گے،جتنے دہشت گرد مارے جا رہے ہیں،افغانستان سے اتنے مزید آرہے ہیں۔
وزیر اعلیٰ علی امین گنڈاپور کا کہنا تھا کہ ایک اندازے کے مطابق ساڑھے 9 سے ساڑھے 11 ہزار کے قریب جنگجو ہمارے علاقے میں آچکےہیں جب کہ بارڈر اور دوسری طرف تقریباً ساڑھے 22 ہزار جنگجو موجود ہیں،عوام ساتھ ہوں اور نیت صاف ہو تو ان سے نمٹ لیں گے۔
علی امین گنڈاپور نے کہا کہ قومی سلامتی کمیٹی کا اجلاس میٹنگ کم اور پریزینٹیشن زیادہ تھی،پریزینٹیشن اور اعلامیہ پیش کرنے سے دہشت گردی ختم ہونا ہوتی تو اب تک ہوچکی ہوتی۔
افغانستان دہشت گردوں کی آماجگاہ بنا ہوا ہے : سردار ایاز صادق
انہوں نےکہا کہ قومی سلامتی کمیٹی کے اجلاس میں عمران خان کے حوالے سے کوئی بات نہیں ہوئی،آگے بڑھنے کےلیےعمران خان کو رہا کرنا ہوگا۔
