جرمنی نے افغان پناہ گزین پروگرام فوری طور پر ختم کرنے کا اعلان کر دیا

جرمن حکومت نے افغان پناہ گزینوں کے لیے جاری پروگرام کو فوری طور پر ختم کرنے کا اعلان کر دیا ہے۔

غیر ملکی میڈیا کے مطابق یہ فیصلہ افغان مہاجرین کے جرائم میں ملوث ہونے اور سنگین سکیورٹی خدشات کے پیش نظر کیا گیا ہے۔ جرمن میڈیا کا کہنا ہے کہ حکومت نے 640 افغان پناہ گزینوں کو ملک میں داخلے کی اجازت دینے سے انکار کر دیا ہے۔

جرمن وزارت داخلہ کے مطابق جو افغان مہاجرین جرمنی آنے کے منتظر تھے، ان کے داخلے کے امکانات اب ختم ہو چکے ہیں۔

میڈیا رپورٹس کے مطابق افغان طالبان کی شدت پسندانہ پالیسیوں کے باعث عالمی برادری افغانستان کے ساتھ سفارتی تعلقات محدود کرنے پر مجبور ہو گئی ہے۔

عرب میڈیا کا کہنا ہے کہ جرمنی نے 2024 میں 28 جبکہ 2025 میں 81 افغان باشندوں کو مجرمانہ سرگرمیوں میں ملوث ہونے پر ملک بدر کیا تھا۔