حکومت کا ملک بھر کےلیے بجلی سستی کرنے کا فیصلہ

وفاقی حکومت نے ملک بھر کےلیے بجلی سستی کرنے کا فیصلہ کرتے ہوئے بجلی ایک روپے 71 پیسے سستی کرنے کی درخواست نیشنل الیکٹرک پاور ریگولیٹری اتھارٹی (نیپرا) میں دائر کردی۔

حکومتی درخواست میں کہاگیا ہےکہ بجلی کی قیمت میں کمی ٹیرف سبسڈی میں اضافے کے ذریعے کی جائےگی۔

وفاقی حکومت نے کمی کا اطلاق اپریل تا جون 2025 کےلیے کرنے کی تجویز دی ہے،حکومت اس عرصے کےلیے ایک روپے 71 پیسے فی یونٹ اضافی سبسڈی فراہم کرےگی۔

حکومت نے درخواست میں کے الیکڑک سمیت تمام کمپنیوں پر قیمت میں کمی کا اطلاق کرنےکی درخواست کی ہے۔

نیپرا اتھارٹی 4 اپریل کو حکومتی درخواست پر سماعت کرےگی۔

آئی ایم ایف : حکومت کو بجلی ٹیرف میں کمی کی اجازت مل گئی

یاد رہےکہ چند روز قبل وفاقی وزیر توانائی اویس لغاری نے میڈیا سے گفتگو میں کہا تھاکہ بجلی کی قیمتیں کم ہوں گی،اگلے چند روز میں میری باتیں ثابت ہوجائیں گی۔