حکومت نے چینی کی قیمتوں میں اضافے کی خبروں کو بے بنیاد قرار دے دیا

وفاقی وزیر برائے غذائی تحفظ رانا تنویر حسین نے چینی کی قیمتوں میں اضافے کی خبروں کو بےبنیاد قرار دیتے ہوئے کہا ہےکہ مارکیٹ میں چینی کی قیمت 164 روپے فی کلو جب کہ یوٹیلیٹی اسٹورز پر 153 روپے فی کلو میں دستیاب ہے۔

اسلام آباد میں پریس کانفرنس کرتے ہوئے وفاقی وزیر برائے قومی غذائی تحفظ رانا تنویر حسین کا کہنا تھاکہ ملک میں چینی کی وافر مقدار موجود ہے،چینی کی قیمت میں مسئلہ ذخیرہ اندوزوں اور منافع خوروں کی وجہ سے ہے۔چینی کی ایکسپورٹ کے بارے میں خبریں حقائق سے متصادم ہیں،میڈیا پر پھیلائی جانےوالی افواہوں کا مقصد عوام میں بےیقینی پیدا کرنا ہے۔

رانا تنویر حسین کاکہنا تھاکہ ملک میں چینی کا وافر ذخیرہ موجود ہے، مقامی ضروریات پوری کرنے کےلیے چینی کی وافر مقدار دستیاب ہے،چینی کی قیمت میں مسئلہ ذخیرہ اندوزوں اور منافع خوروں کی وجہ سے ہے،ملک میں چینی 153 روپے فی کلو دستیاب ہے جس سے ظاہر ہےکہ مارکیٹ میں فراہمی برقرار ہے۔

اسلام آباد ہائی کورٹ نے عمران خان سے ملاقات کےلیے ہفتے کے دو روز مقرر کردیے

وفاقی وزیر کا کہنا تھا کہ حکومت صوبوں کے ساتھ مل کر اس مسئلے کا جائزہ لے رہی ہے،حکومت یقین دلاتی ہےکہ چینی کی قیمتوں میں غیرمعمولی اضافہ نہیں ہوگا، عام آدمی کاغذائی تحفظ یقینی بنانا ہماری اولین ترجیح ہے۔