پنجگور میں مسلح افراد کی فائرنگ، 6 افراد جاں بحق

بلوچستان کے ضلع پنجگور میں ایک مسلح فائرنگ کے واقعے میں 6 افراد جاں بحق ہو گئے۔

پولیس کے مطابق یہ حملہ پنجگور سے قریباً 60 کلومیٹر دور چیدگی کے علاقے دستک میں پیش آیا، جہاں نامعلوم مسلح افراد نے مقامی لوگوں پر اندھا دھند فائرنگ کی۔

پولیس کے مطابق حملہ آوروں نے 2 گاڑیاں بھی نذر آتش کردی ہیں اور واقعے کے بعد فرار ہونے میں کامیاب ہو گئے۔ ان کی گرفتاری کے لیے علاقے میں سرچ آپریشن جاری ہے۔

جاں بحق افراد میں سے 2 کی شناخت داؤد اور سالم کے نام سے ہوئی ہے، جو سرحدی گاؤں نکر کے رہائشی تھے، پولیس کے مطابق واقعے سے متعلق مزید تحقیقات کی جارہی ہیں۔