معروف پاکستانی اداکارہ ہانیہ عامر اور بھارتی گلوکار بادشاہ ایک مرتبہ پھر سوشل میڈیا پر خوب وائرل ہو رہے ہیں، دونوں کو دبئی میں پھر سے ایک ساتھ دیکھا گیا ہے جس کی ویڈیو سوشل میڈیا پر ٹرینڈنگ کر رہی ہے۔گزشتہ کچھ عرصے سے ہانیہ عامر اور بھارتی گلوکار بادشاہ کی دوستی کے خوب چرچے ہیں، یہ دونوں فنکار اکثر دبئی میں ملاقات کرتے ہیں جس کی ویڈیوز اور تصاویر بھی سوشل میڈیا پر شیئر کرتے ہیں لیکن پاک بھارت مداح ان دونوں فنکاروں کی دوستی سے ناخوش ہیں۔ اب ہانیہ عامر نے اپنے آفیشل انسٹاگرام ہینڈل پر بادشاہ کے ہمراہ اپنی نئی ویڈیو پوسٹ کی ہے جس میں دونوں فنکاروں کے درمیان خوشگوار بات چیت ہوئی، دونوں مشہور شخصیات متحدہ عرب امارات (یو اے ای) میں ہونے والی کراٹے کمبیٹ 45 کا فائنل میچ دیکھنے دبئی پہنچی تھیں جس میں پاکستان نے بھارت کو شکست دی۔ویڈیو میں ہانیہ عامر نے مزاحیہ انداز میں کہا کہ یہاں بادشاہ کا کنسرٹ جاری ہے اور میں اس کنسرٹ کی واحد شرکا ہوں، اسی مزاحیہ کنسرٹ میں بادشاہ نے ہانیہ عامر کے لیے مختلف گانے گنگنائے جبکہ اداکارہ نے بھی بھارتی گلوکار کے کہنے پر گانا گایا۔ اسی دوران بادشاہ نے ہانیہ عامر سے پوچھا کہ سوشل میڈیا پر اتنا زیادہ متحرک رہنا کیوں ضروری ہے؟ جس پر اداکارہ نے کہا کہ یار! آپ کا مسئلہ کیا ہے؟بادشاہ نے ہانیہ عامر کی سوشل میڈیا پر زبردست فین فالوونگ سے متاثر ہوتے ہوئے کہا کہ میں اتنی محنت کرتا ہوں لیکن سوشل میڈیا پر میری اتنی فین فالوونگ نہیں جتنی تمہاری ہے، ایسا کیوں ہے؟ بھارتی گلوکار کی بات سُن کر ہانیہ عامر اپنی ویڈیو کا اختتام کرتے ہوئے کہتی ہیں کہ پاکستانی اور بھارتی مداحوں کا شکریہ، شب بخیر۔دریں اثنا ہانیہ عامر نے اپنے سوشل میڈیا مداحوں سے بات کرتے ہوئے لکھا کہ میں آپ سب سے کچھ بھی پوشیدہ نہیں رکھنا چاہتی آپ سب میرے ساتھ اس وقت سے ہیں جب ڈب میش شیئر کیا کرتی تھی، انہوں نے لکھا کہ سوشل میڈیا پر میں نے آپ سب کے ساتھ اپنی روز مرہ کی زندگی کے کم و بیش تمام لمحات شیئر کئے ہیں، میں نے کوشش کی کہ جتنا ممکن ہوسکے میں اتنا حقیقت سے قریب تر رہوں لیکن اب مجھے محسوس ہو رہا ہے کہ شاید میں آپ سب کے ساتھ ایماندار نہیں ہوں۔ہانیہ نے مزید لکھا کہ فکر کرنے کی ضرورت نہیں ہے، میں اپنی ذہنی صحت یابی کے لیے ہر ممکن کوشش کر رہی ہوں اور آپ سب کو بتانا چاہتی ہوں کہ اگر آپ بھی اپنی زندگی میں اس مشکل وقت سے گزر رہے ہیں کہ جب آپ کو لگے کہ سرنگ کے آخر میں صرف اندھیرا ہے تو کسی کی مدد ضرور طلب کیجئے چاہے وہ آپ کا کوئی

پیارا ہو یا کوئی پروفیشنل مدد پیشہ ور ہو۔