مریم نواز کی محنت سے پنجاب میں بہتری نظر آ رہی ہے : نواز شریف

مسلم لیگ ن کے صدر نواز شریف کا کہنا ہےکہ مریم نواز کی محنت سے پنجاب میں بہتری نظر آرہی ہے۔

سابق وزیر اعظم نواز شریف اور وزیر اعلیٰ پنجاب مریم نواز سے راولپنڈی،اٹک، مری، چکوال،وزیر آباد،حافظ آباد اور منڈی بہاؤ الدین سے پنجاب اسمبلی کے ارکان نے ملاقات کی،جس میں ملک کی مجموعی صورت حال، عوام کےمسائل اور حلقوں میں ترقیاتی کام زیر غور آئے۔

ارکان اسمبلی نے وزیر اعلیٰ پنجاب مریم نواز کو صوبےمیں بہترین کارکردگی پر خراج تحسین پیش کیا۔

اس موقع پر گفتگو کرتےہوئے مسلم لیگ ن کے صدر نواز شریف کا کہناتھاکہ آپ سب میری طاقت اور عزت ہیں، الحمدللہ، عوام کی مشکلات میں کمی آرہی ہے، مریم نواز کی محنت سے پنجاب میں بہتری نظر آرہی ہے۔

وزیر اعلیٰ پنجاب مریم نواز کاکہنا تھاکہ پنجاب واحد صوبہ ہےجہاں روٹی 12 سے 14 روپے میں مل رہی ہے،ہماری کارکردگی پر سب سےبڑا چیک عوام اور نواز شریف ہیں۔

دوران ملاقات ارکان اسمبلی نے کہاکہ وزیر اعلیٰ مریم نواز نے نواز شریف اور شہباز شریف کےدور اور کارکردگی کی یاد تازہ کردی ہے،سیاسی تعصبات سے پاک شفافیت اور میرٹ پر ترقیاتی کاموں کی تکمیل خوش آئند اور مثبت سیاسی روایت ہے۔

انہوں نےکہاکہ سستی اور وافر کھاد کی دستیابی پر وزیر اعلیٰ مریم نواز مبارک اور شاباش کی مستحق ہیں۔

ارکان اسمبلی کاکہنا تھاکہ کسان کارڈ کی وجہ سے آڑھتیوں سے چھٹکارا ملنےپر کاشت کار خوش حال ہوا، صحت کے پورےنظام کی بہتری، مفت ادویات اور گھر کی دہلیز پر علاج،ہونہار اسکالر شپ کی فراہمی اور ستھرا پنجاب کی اسکیمیں قابل تحسین ہیں،اجتماعی شادیوں کے ’’دھی رانی پروگرام‘‘ کو عوام میں بہت پذیرائی ملی ہے۔

اسلام آباد ہائی کورٹ میں آئے ججز کی حوصلہ افزائی ہونی چاہیے : چیف جسٹس یحییٰ آفریدی

اس موقع پر وزیر اعلیٰ پنجاب مریم نواز نے راولپنڈی رنگ روڈ دسمبر تک مکمل کرنےکی ہدایت کی جب کہ راولپنڈی اور گوجرانوالہ ڈویژن کے ترقیاتی منصوبے بروقت مکمل کرنےکا بھی حکم دیا۔