عمران خان نے علی امین گنڈاپور کو اسٹیبلشمنٹ سے مذاکرات کا ٹاسک دے دیا
عمران خان نے وزیر اعلیٰ علی امین گنڈاپور اور مشیر اطلاعات خیبرپختونخوا بیرسٹر سیف کو اسٹیبلشمنٹ سے مذاکرات کرنے کی اجازت دے دی۔
وزیر اعلیٰ خیبرپختونخوا علی امین گنڈاپور اور مشیر اطلاعات بیرسٹر سیف کی عمران خان سے اڈیالہ جیل میں طویل ملاقات کی اندرونی کہانی سامنے آگئی۔
ذرائع نے دعویٰ کیا ہےکہ ڈھائی گھنٹے ملاقات کا محور اسٹیبلشمنٹ سے مذاکرات تھا اور علی امین گنڈاپور، بیرسٹر سیف عمران خان کو قائل کرنے میں کامیاب ہوئے۔
ذرائع کے مطابق عمران خان نے علی امین گنڈاپور کی پیشکش پر نیم رضامندی ظاہر کی۔
ذرائع کا بتانا ہےکہ علی امین گنڈاپور نے صوبائی معاملات پر بھی عمران خان کو بریف کیا اور ملاقات میں قیادت پر سوشل میڈیا پر جاری تنقید بھی زیر بحث آئی جب کہ ملاقات میں اداروں سے ٹکراؤ کی پالیسی پر نظرثانی پر بھی بات ہوئی۔
ذرائع کےمطابق عمران خان نے علی امین اور بیر سٹرسیف کو اسٹیبلشمنٹ سے مذاکرات کا ٹاسک دے دیا اور اسٹیبلشمنٹ سے مذاکرات میں کسی پیشرفت تک اسے خفیہ رکھنے پر اتفاق ہوا۔
ذرائع کا کہنا ہےکہ آئندہ چند روز میں علی امین گنڈاپور عمران خان سے ایک اور ملاقات کریں گے۔
صدرمملکت آصف زردار ی میں کوروناکی تشخیص،ڈاکٹرعاصم نے تصدیق کردی
خیال رہے کہ اڈیالہ جیل میں عمران خان سے وزیراعلیٰ علی امین گنڈاپور اور ان کے مشیر برائے اطلاعات بیرسٹر سیف نے ملاقات کی تھی۔
علی امین گنڈا پور کی ڈیڑھ ماہ سے زائد عرصے کے بعد عمران خان سے ملاقات ہوئی ہے۔
