عمران خان کو جیل میں میسرسہولیات کی تفصیلات آ گئیں

اڈیالہ جیل حکام نے بھارتی اور افغان میڈیا پربانی پی ٹی آئی عمران خان کی صحت سے متعلق پروپیگنڈا کے بعد عمران خان کو جیل میں میسرسہولیات کی تفصیلات میڈیا کےسامنے پیش کردیں۔

اڈیالہ جیل ذرائع کا بتانا ہے کہ عمران خان صحتمند ہیں اور جیل آنے والے ہر شخص کی بانی چیئرمین پی ٹی آئی سے ملاقات کروائی جاتی ہے۔

جیل ذرائع کا بتانا ہے کہ بانی پی ٹی آئی جیل میں محفوظ اور صحتمند ہیں، ہفتے میں ایک بار بانی پی ٹی آئی سے بشریٰ بی بی کی ملاقات بھی کرائی جاتی ہے۔

ذرائع کا بتانا ہے کہ اڈیالہ جیل میں ایک بیرک کے 6 کمرے عمران خان کے زیر استعمال ہیں، ٹی وی اور اخبار کی سہولت موجود ہے۔

جیل ذرائع کے مطابق عمران خان کو ہفتہ میں ایک بار باہر سے کھانا منگوانے کی اجازت ہے، باہر سے دیسی مرغی اور مچھلی منگوائی جاتی ہے۔

ذرائع کا کہنا ہے کہ بانی پی ٹی آئی عمران خان سے ملاقاتیں جیل مینوئیل کے مطابق کرائی جاتی ہے، اڈیالہ جیل کی حدود میں آنے والے ہر شخص کی ملاقات کرائی جاتی ہے، اڈیالہ جیل کی حدود سے باہر کا معاملے کی جیل انتظامیہ ذمہ دار نہیں ہے۔