راولپنڈی رنگ روڈ اسکینڈل، کرپشن تحقیقات لٹک گئیں

رنگ روڈ منصوبہ کا اسپیشل آڈٹ کرنے والی ٹیم کو ریکارڈ کے حصول میں مشکلات کا سامنا ہے۔ ذرائع کے مطابق ڈی جی آڈٹ پنجاب کی ٹیم نے رنگ روڈ کے اردگرد بننے والی غیر قانونی ہاؤسنگ سوسائٹیز، پروجیکٹ مینجمنٹ یونٹ (پی ایم یو) میں بھرتیوں کا ریکارڈ، منصوبہ کا پی سی ٹو، کنسلٹنسی ایوارڈ، کنسلٹنٹ معاہدے سمیت 14 مختلف دستاویزات طلب کررکھی ہیں، جن میں سے صرف5 دستاویزات تک رسائی ممکن ہوسکی ہے، ٹیم نے 20 دن میں آڈٹ کرکے رپورٹ پنجاب حکومت کو پیش کرنا ہے۔
منصوبے کے اسپیشل آڈٹ سے منسلک افسر نے کو بتایا کہ فیلڈ آڈٹ ٹیم کے انسپکٹنگ آفیسر نے کمشنر راولپنڈی کو تحریری درخواست دی ہے کہ آڈٹ ٹیم کو رنگ روڈ کا مکمل ریکارڈ فراہم کیا جائے۔ ذرائع کا کہنا ہے کہ ڈٹ ٹیم کو غیر قانونی ہاؤسنگ سوسائٹیز کی تفصیلات، منصوبہ کی فزیبلٹی، تخمینہ، ٹینڈرنگ، کنسلٹنٹس کو ادا کیے گئے معاوضے کی تفصیلات، ریونیو ڈپارٹمنٹ کی سروے رپورٹ، رقبے کی خریداری کےلیے بنائی گئی ڈسٹرکٹ پرائس کمیٹی ہے۔ آڈٹ ٹیم نے درخواست کی ہے کہ راولپنڈی ڈیولپمنٹ اتھارٹی میں 17ویں گریڈ کا فوکل پرسن بھی تعینات کیا جائے۔