کیا بشریٰ بی بی پر کالا جادو کرنے کا الزام سچ ہے؟

پیپلزپارٹی کے چیئرمین بلاول بھٹو کی جانب سے خاتون اول بشریٰ بی بی پر کرپشن کے الزامات عائد ہونے کے بعد اب مسلم لیگ نون کے صدر شہباز شریف نے یہ الزام عائد کر دیا ہے کہ ریاست مدینہ اور امر بالمعروف کی باتیں کرنے والے بنی گالہ میں کالا جادو کرتے ہوئے مرغی کا منوں گوشت روزانہ جلا رہے ہیں،

معروف اینکر پرسن عاصمہ شیرازی کو انٹرویو دیتے ہوئے شہباز شریف نے کہا کہ یہ بات میں پورے ذمہ داری سے بطور قائد حزب اختلاف کہہ رہا ہوں اور میرے پاس اسکے ثبوت بھی موجود ہیں۔ انہوں نے کہا کہ پاکستانی عوام دال روٹی اور ان کے بچے دودھ کو ترس رہے ہیں لیکن دوسری جانب بنی گالہ میں جادو ٹونے کے لئے منوں مرغی کا گوشت جلایا جا رہا ہے۔

اس پر عاصمہ شیرازی نے کہا کہ شہباز صاحب کیا آپ بہت بڑا الزام نہیں لگا رہے ہیں؟ اس پر شہباز نے کہا کہ میں بہت ذمہ داری سے یہ بات کر رہا ہوں۔ قائد حزب اختلاف نے کہا کہ اسلام میں جادو ٹونہ حرام ہے۔ یہودیوں نے مدینہ پاک میں اس قسم کی حرکت کی تھی۔ قران پاک میں اس قسم کی حرکتیں کرنے والوں کیلئے سخت تنبیہ کی گئی ہے۔

اس پر عاصمہ شیرازی نے کہا کہ اب یہ قائد حزب اختلاف بات کر رہے ہیں، اگر کوئی اور ایسی بات کرتا تو ہم اسے چیلنج کرتے۔ اس پر شہباز شریف نے کہا کہ میں یہاں بطور ایک ذمہ دار پاکستانی کے بات کر رہا ہوں۔

شہباز شریف کے اس دعوے کے بعد سوشل میڈیا پر دوبارہ یہ بحث زور پکڑ گئی ہے کہ کیا خاتون اول بشریٰ بی بی واقعی کالا جادو کرتی ہیں؟ بشریٰ بی بی بظاہر سامنے نہیں آتیں لیکن اپنی غیرمرئی طاقت کی وجہ سے ہیڈلائنز میں ہمیشہ نمایاں رہتی ہیں۔ کہا جاتا ہے کہ ان کے قبضے میں کوئی جن یا مؤکل ہے جو ان کے ہر جنتر منتر کو سچ کر دکھاتا ہے۔

یہ بھی کہا جا رہا ہے کہ بشریٰ بی بی کے پاس ایک نہیں بلکہ دو دو جن ہیں لیکن یہ کوئی نئی بات نہیں، اکثر عاملوں کے قبضے میں جن ہوتے ہیں اور عامل انہی کی مدد سے تعویذ دھاگے کرتے ہیں۔ ان جنوں کی خوراک عام طور پر کچا گوشت ہوتی ہے۔ بتایا جاتا ہے کہ بشریٰ بی بی کے مرید بھی انھیں نذر نیاز کی صورت میں کچا گوشت بھجواتے رہتے ہیں۔

کہنے والے تو یہ بھی کہتے ہیں کہ وہ جادو ٹونے کرتی ہیں اور اپنے بعض مریدوں سے پکا گوشت بھی منگواتی ہیں۔ خان صاحب کے گھریلو ملازمین کے مطابق بشریٰ بی بی اکثر خود بھی گوشت پکاتی ہیں، جو اتنی بڑی مقدار میں ہوتا ہے کہ اسے جن ہی کھاتے ہوں گے۔ کچھ ایسی ہی بات شہباز شریف نے بھی کی ہے۔

بتایا جاتا ہے کہ بشریٰ بی بی کے مریدوں کا ان پر اندھا اعتقاد ہے کیونکہ وہ جو کہتی ہیں، ویسا ہی ہوتا ہے۔ عمران خان کے بارے میں تو کہا جاتا ہے کہ وہ اختلافات سے پہلے تو بشریٰ بی بی کے مشورے کے بغیر ایک قدم نہیں چلتے تھے۔ بشریٰ بی بی کو بہت سے لوگ جاننے کا دعویٰ کرتے ہیں لیکن عمران خان سے شادی کے بعد غیر ملکی دوروں اور مہمانوں سے ملاقاتوں کے دوران بھی وہ سر سے پیر تک چادر اوڑھے رکھتیں اور ان کی صرف آنکھیں ہی نظر آتیں۔ البتہ عمران خان سے شادی سے پہلے وہ پردے کی اتنی پابند نہیں تھیں، ان کا چہرہ اکثر کھلا ہوتا تھا۔ اس کے باوجود ان کا شمار گوگل پر کثرت سے سرچ کی جانے والی خواتین میں ہوتا ہے۔

بشری بی بی کتنی طاقتور عاملہ ہیں؟ اس سوال کے جواب میں اتنا جان لینا کافی ہے کہ عمران سمجھتے ہیں کہ ان کی 22 سالہ جدوجہد کے باوجود ان کے وزیراعظم بننے کا سپنا پورا کرنے میں ان کی تیسری بیوی ہی کا ہاتھ ہے۔ عمران خان کا پیروں فقیروں کو ماننا، روحانیت کی جانب مائل ہونا، پنکی پیرنی کے آستانے پر حاضری دینا اور پھر انہی کا مرید ہو کر رہ جانا، اگر آپ نے مشہور ٹی وی سیریز "گیمز آف تھرون” دیکھ رکھی ہے تو یہ کہانی سمجھنا اور بھی آسان ہو جاتا ہے۔

سیریز کے اہم کردار ریڈ وومن یعنی میلی سینڈر کی طرح پنکی پیرنی بھی ایک خواب دیکھتی ہیں لیکن یہاں خواب کے کردار مقامی تھے۔ خیر پنکی پیرنی کو اپنے مؤکل کے ذریعے معلوم ہوتا ہے کہ اقتدار کی کرسی عمران خان سے زیادہ دور نہیں، تو انھوں نے ایک انوکھا عمل تجویز کیا۔

وزیراعظم کے نیچے سے پوری پارٹی کھسک چکی ہے

خان صاحب کو بتایا گیا کہ اگر وہ مانیکا خاندان کی کسی عورت سے نکاح کر لیں تو یہ منزل آسان ہو سکتی ہے۔ شاید وہ اپنی بہن یا بیٹی کو خاتون اول کے روپ میں دیکھ رہی تھیں۔ عمران خان نے پس و پیش سے کام لیا تو پنکی بی بی نے ایک نیا خواب دیکھا اور بتایا کہ عمران کی جس عورت سے شادی ہو گی وہ مانیکا خاندان کی بہو اور پانچ بچوں کی ماں ہو گی۔ کہا جاتا ہے کہ بشریٰ مانیکا عمران خان کو کھونا نہیں چاہتی تھیں۔

یہاں کہانی نے ایک انوکھا موڑ لیا، باہمی مشاورت سے بشریٰ بی بی کے شوہر عطا مانیکا نے انھیں طلاق دے دی اور یوں بشریٰ بی بی کے خاتون اول بننے کی راہ ہموار ہوئی۔ کہا جاتا ہے کہ طلاق اور اس کے بعد عمران خان سے شادی کے فیصلے کو انتہائی خفیہ رکھا گیا، البتہ بچوں کو پہلے ہی اعتماد میں لیا جا چکا تھا۔

2018 میں ایک نجی تقریب میں دونوں شادی کے بندھن میں بندھ گئے اور ٹھیک 6 ماہ بعد عمران خان، وزیر اعظم کی حیثیت سے حلف اٹھا رہے تھے۔ دوسری جانب بشریٰ بی بی کے پہلے خاوند خاور مانیکا نے بھی اپنی بیٹی کی ایک سہیلی سے دوسری شادی کرلی جس میں سے اب ان کو اولاد بھی ہوچکی ہے۔

Is it true Bushra Bibi is accused of practicing black magic?