اسلام آباد ہائی کورٹ : پی ٹی آئی رہنماؤں کی عمران خان سے ملاقات کی درخواست مسترد

اسلام آباد ہائی کورٹ نے رہنما پی ٹی آئی جنید اکبر سمیت دیگر پارٹی رہنماؤں کی عمران خان سے ملاقات کی درخواست مسترد کر دی۔

اسلام آباد ہائی کورٹ کے جج جسٹس خادم حسین سومرو نے درخواست ناقابل سماعت قرار دےکر خارج کی۔ عدالت عالیہ نے کہاکہ پی ٹی آئی رہنما عمران خان سے ملاقات کےلیے بنائے گئے میکنزم پر عمل نہیں کر رہے ہیں۔جیل سپرنٹنڈنٹ نے عمران خان سے ملاقات کرنے والے 8 رہنماؤں کی فہرست پیش کی۔

عدالت کے فیصلے کےمطابق سلمان اکرم راجہ،بیرسٹر گوہر،سلمان صفدر اور نیاز اللہ نیازی کے نام فہرست میں شامل ہیں، عمران خان سے ملاقات کرنے والوں میں نعیم پنجھوتھہ،شعیب شاہین،ابوذر نیازی اور عزیر بھنڈاری کا نام بھی شامل ہے۔

فیصلے کےمطابق 10 مارچ کو ان 8 رہنماؤں نے عمران خان سے ملاقات کی تھی، درخواست گزاروں نے ملاقات سے متعلق ایس او پی پر عمل نہیں کیا۔

دہشتگرد پاکستان میں ہوں یا افغانستان میں انہیں نہیں چھوڑا جائیگا: وزیر ریلوے

عدالت عالیہ نے کہاکہ درخواست ناقابل سماعت قرار دےکر خارج کی جاتی ہے، درخواست گزار قانون کےمطابق ایس او پی پر عمل کرنے کے پابند ہیں۔