آئینی ترمیم میں بہتر تھا پی ٹی آئی اپنی سفارشات لاتی،شیری رحمان
پیپلزپارٹی کی سینیٹ میں پارلیمانی لیڈر شیری رحمان نے کہا ہے آئینی ترمیم میں بہتر تھا پی ٹی آئی اپنی سفارشات لاتی ۔
شیری رحمان کا سینیٹ میں اظہارخیال کرتے ہوئے کہنا تھاکہ بتایا جائے اس ترمیم میں کون سا ناگ ہے، آپ پرانے بل کو ڈسکس کر رہے ہیں، اس بل کا دیگر ممالک سے موازنہ کریں اور پھر بتائیں۔ پی ٹی آئی نے آئینی ترمیم کے حوالے سے کوئی تجویز نہیں دی اور یہ ترمیم کوئی حملہ نہیں کیونکہ پاکستان کا جوڈیشل نظام ٹوٹ چکا ہے۔
پیپلزپارٹی کی پارلیمانی لیڈرشیری رحمان نے کہا کہ علی ظفر کو ہم نے پارلیمانی کمیٹی میں آنے کی دعوت دی تھی، ان کی تجاویز بھی مانگی تھیں لیکن علی ظفر اور بیرسٹر گوہر نے کوئی تجاویز نہیں دیں۔
رضا مندی و اتفاق رائے نہ ہو تو آئین اپنی موت آپ مرجائے گا، سینیٹر علی ظفر
شیری رحمان نے کہاکہ پاکستان کا جوڈیشل سسٹم ٹوٹ چکا ہے، پیپلزپارٹی نے اس آئین کی بنیاد رکھی، یہ ترمیم کوئی حملہ نہیں، پارلیمان اپنے حقوق مانگے تو کہا جاتا ہے اپنی سیاست کے لیے ررہے ہیں، بہت سے لوگ یہاں قربانیاں دے کر یہاں پہنچتے ہیں۔ان کا کہنا تھا کہ ہم کالے یا سفید ناگ کے سامنے بین نہیں بجاتے، چئیرمین پیپلزپارٹی نے اس بل میں جتنی محنت کی وہ لائق تحسین ہیں، ان حالات میں بھی صوبوں کے حقوق متاثر ہوتے ہیں، ہمارے حقوق ہم سے نہ لیں۔
سینیٹر شیری رحمان نے کہا کہ ججوں کی تقرری میں اگر پارلیمان کا ہاتھ ہوگا تو اس میں کیا غلط ہے، پارلیمانی کمیٹی میں آکر اپنی تجاویز دیتے، دنیا میں کہیں نہیں ہوتا کہ جج اپنے لیے خود طے کریں کہ کون اپوائنٹ ہوگا اور کون آگے جائے گا۔
