بالی ووڈ باربی ڈول کترینہ کیف پھر ماں بننے والی ہیں؟
بالی ووڈ باربی ڈول کترینہ کیف شادی کے بعد شوبز کی دنیا سے ایسی آئوٹ ہوئی ہیں، کہ بہت کم عوامی تقریبات میں دکھائی دیتی ہیں، جس سے اداکارہ کے شوبز کی دنیا چھوڑنے کی افواہین جنم لے رہی ہیں۔اس کے نتیجے میں بعض پرستار یہ قیاس آرائیاں کر رہے ہیں کہ آیا یہ سٹار حاملہ ہیں یا ان کی ذاتی زندگی میں کوئی فرق آ گیا ہے اگرچہ بالی وڈ اداکارہ کی تازہ ترین فلم ’فون بوتھ‘ پہلے ریلیز ہوئی تھی، تاہم ایوارڈ یافتہ سٹار پہلے کے مقابلے میں کم عوامی تقریبات میں دکھائی دے رہی ہیں۔
ٹائمز آف انڈیا کے مطابق سلمان خان اور کترینہ کیف کے آنے والے سیکوئل ٹائیگر تھری کے فلمساز کرداروں کے پیچھے تجسس اور راز پیدا کرنا چاہتے ہیں۔ عین ممکن ہے کہ کترینہ کردار سازی اور اپنے ایکشن سیکوئنس کے لیے مصروف ہیں۔اطلاعات کے مطابق کترینہ کیف اور وکی کوشل نے اداکارہ کی فلم کی شوٹنگ مکمل ہونے کے فوراً بعد اپنے پہلے بچے کی منصوبہ بندی کرنے کا فیصلہ کیا، وہ آج کل پریانکا چوپڑا اور عالیہ بھٹ کے ساتھ فرحان اختر کی فلم ’جی لے زرا‘ کے شوٹ کی تیاری کر رہی ہیں۔
فلم کی تیاری ابھی شروع نہیں ہوئی لیکن یہ بہت جلد ہو سکتا ہے کیونکہ فرحان نے حال ہی میں ایک تصویر شیئر کی ہے جس میں وہ لوکیشنز تلاش کر رہے ہیں، ای ٹائمز کے مطابق کترینہ نے اپنے دوستوں کو بتایا ہے کہ میں ان فلموں کی شوٹنگ ختم کرنے کے بعد ہی بچے کی منصوبہ بندی کروں گی، جو میں وجے سیتھوپتی اور فرحان اختر کے ساتھ کر رہی ہوں۔
