ضابطہ اخلاق کی خلاف ورزی ،عماد وسیم پر جرمانہ عائد

پی ایس ایل سیون کے میچ میں ضابطہ اخلاق کی خلاف ورزی پرکراچی کنگز کے کھلاڑی عماد وسیم پرجرمانہ عائد کر دیا گیا ہے۔ ایچ بی ایل, پی ایس ایل 7 میں لاہورقلندرز اورکراچی کنگز کے درمیان قذافی سٹیڈیم میں کھیلے گئے میچ میں ضابطہ اخلاق کی خلاف ورزی پرکراچی کنگزکے اسپنرعماد وسیم پرمیچ فیس کا 5 فیصد جرمانہ عائد کردیا گیا۔

کراچی کو اسلام آباد سے سنسنی خیز مقابلے میں 1 رنز سے شکست

عماد وسیم نے میچ کے پہلے اوور میں رحمان اللہ گرباز کو آؤٹ کرکے نامناسب ردعمل کا اظہارکیا تھا۔ عماد وسیم پرپی ایس ایل کے ضابطہ اخلاق کی شق 2.5 کے لیول 1کی خلاف ورزی پرمیچ فیس کا 5فیصد جرمانہ عائد کردیا گیا۔

عماد وسیم نے اپنی غلطی کا اعتراف کرتے ہوئے میچ ریفری رنجن مدوگالے کی جانب سے عائد جرمانے کو قبول کیا ہے۔