پی آٹی آئی ہمارے پاس حکومت میں رہنے کا جواز تو رہنے دیتی

ایم کیو ایم پاکستان کے سربراہ خالد مقبول صدیقی نے کہا ہے کہ تحریک انصاف ہمارے پاس حکومت میں رہنے کا جواز تو رہنے دیتی. کراچی میں مولانا فضل الرحمان کے ہمراہ پریس کانفرنس میں خالد مقبول صدیقی کا کہنا تھا کہ وزیر اعظم عمران خان کے پاس بہت سے معاملات کا تو اختیار ہی نہیں ہے.

انہوں نے کہا کہ ایسی جمہوریت جس کے ثمرات پاکستانیوں تک نہ پہنچیں اسے کامیاب کرنے کا ہمیں بھی شوق نہیں ہونا چاہیے. انہوں نے منحرف اراکین سے متعلق بات کرتے ہوئے کہا کہ اپوزیشن جماعتوں کا ایک بھی کارکن لاپتہ نہیں ہے جبکہ حکومتی جماعت 100 سے زائد اراکین لاپتہ ہیں. واضح رہے کہ آج مولانا فضل الرحمان نے ایم کیو ایم پاکستان کی قیادت کے ساتھ ملاقات کی ہے. منگل کے روز مولانا فضل الرحمان ایم کیو ایم کے عارضی مرکز بہادر آباد میں پہنچے جہاں انہوں نے سینیئر لیڈرشپ سے ملاقات کی ہے.

میڈیا رپورٹس کے مطابق ملاقات میں موجودہ سیاسی صورت حال اور اپوزیشن کی جانب سے وزیر اعظم کے خلاف شروع کی گئی تحریک عدم اعتماد پر گفتگو کی گئی. بتایا گیا ہے کہ ایم کیو ایم پاکستان کے مرکز پہنچنے پر صحافیوں نے مولانا فضل الرحمان سے سوال کیا کہ گھبرانا ہے یا نہیں گھبرانا؟ صحافیوں کے سوال پر سربراہ پاکستان ڈیموکریٹک موومنٹ نے جواب دیا کہ ہم تو گھبرانے والے نہیں ہیں. واضح رہے کہ مولانا فضل الرحمان تحریک عدم اعتماد کو لے کر کافی متحرک ہیں اور اس سلسلے میں حکومتی اتحادیوں کے ساتھ روابط قائم کر رہے ہیں.

پیسے نہیں لیے، منحرف رکن وجیہہ قمر کا قرآن پرحلف

ایم کیو ایم پاکستان سے ملاقات کے بعد فضل الرحمان نے دعویٰ کیا ہے کہ حکومتی اتحادی اب حکومت کے ساتھ نہیں رہے. اس سے پہلے منگل کے روز مولانا فضل الرحمان نے کہا تھا کہ کارکنان اسلام آباد لانگ مارچ کے لیے تیار رہیں. انہوں نے کہا کہ اب ہماری تحریک فیصلہ کن مرحلےمیں داخل ہوچکی۔اس سے قبل مولانا فضل الرحمان نے مفتی محمد تقی عثمانی اور جے یو پی کے سربراہ شاہ اویس نورانی سے بھی اسی سلسلے میں ملاقات کی تھی.