علی وزیر کے پروڈکشن آرڈر کیلئے درخواست
اپوزیشن نے ایم این اے علی وزیر کے قومی اسمبلی اجلاس میں شرکت کی اجازت لینے کے لیے پروڈکشن آرڈر کیلئے درخواست جمع کروا دی ہے، درخواست سیکرٹری قومی اسمبلی کو جمع کروائی گئی ہے۔
اپوزیشن کی جانب سے درخواست جمع کروانے والوں میں سردار ایاز صادق، محسن داوڑ، شاہدہ اختر علی، نوید قمر اور شزہ فاطمہ خواجہ شامل ہیں۔
اس حوالے سے لیگی رہنما سردار ایاز صادق نے کہا کہ سپیکر صاحب کے کمرے کو جانے والے دروازے پر تالا لگا ہے، اسپیکر صاحب کے چیمبر میں جانے والی لفٹ بھی بند ہے، ہم سیکرٹری اسمبلی کو علی وزیرکے پروڈکشن آرڈر کی درخواست جمع کرا آئے ہیں۔
پاکستان میں ہونیوالا او آئی سی اجلاس تاریخی اہمیت کا حامل کیوں؟
اس حوالے سے محسن داوڑ کا کہنا تھا کہ ہم ہر بار علی وزیر کے پروڈکشن آرڈر کے لیے تازہ درخواست جمع کراتے ہیں، علی وزیر معزز ممبر قومی اسمبلی ہیں اور اجلاس میں شرکت کرنا ان کا قانونی حق ہے۔
