اداکارہ نوال سعید ‘اصل’ شادی کیوں کرنا چاہتی ہیں؟

اداکارہ، ماڈل او لکھاری نوال سعید نے کہا ہے کہ ڈراموں میں شادیاں کر کے اُکتا چکی ہیں، اب حقیقت میں چاہتی ہوں کہ اصل شادی کر ہی لوں کیونکہ مجھے شادی کا شوق بھی ہے۔

نوال سعید حال ہی میں ایاز سموں کے شو میں پیش ہوئیں، جہاں انہوں نے اپنی شادی اور گھریلو زندگی سمیت شوبز کے معاملات پر کھل کر باتیں کیں اور بتایا کہ کس طرح وہ شوبز انڈسٹری کا حصہ بنیں۔

اداکارہ نے پروگرام میں بات کرتے ہوئے بتایا کہ انہوں نے صوبہ سندھ کے دارالحکومت کراچی میں موجود ناپا سے ابتدائی طور پر میوزک کی تربیت حاصل کی اور انہوں نے وہاں 6 ماہ تک گٹار بجانا سیکھا لیکن انہوں نے مکمل میوزک نہیں سیکھا۔

نوال سعید کے مطابق بعد ازاں انہوں نے وہیں اداکاری اور گلوکاری ایک ساتھ سیکھنا شروع کی لیکن پھر انہوں نے گلوکاری کو چھوڑ کر اداکاری پر توجہ دی اور جلد ہی انہیں اشتہارات میں کام مل گیا۔

اداکارہ کا کہنا تھا کہ انہوں نے اشتہارات سے آغاز کیا اور پہلے تین اشتہارات میں انہیں محض 2 سے 3 سیکنڈز تک دکھایا گیا لیکن پھر انہیں اشتہارات کی سکرین پر زیادہ دکھایا گیا اور وہ اپنے رشتے داروں سمیت جان پہچان والوں میں مشہور ہوگئیں۔

انہوں نے کہا کہ بعد ازاں کسی دوست کے کہنے پر انہوں نے ڈرامے کے لیے آڈیشن دیا جو کہ بہت برا تھا لیکن اس کے باوجود انہیں اداکاری کرنے کا موقع مل گیا اور یوں وہ باضابطہ طور پر اداکارہ بن گئیں، نوال سعید کا کہنا تھا کہ وہ پڑھائی میں بہت اچھی تھیں، انہیں ریاضی سمیت دیگر مضامین بھی اچھے آتے تھے۔وہ نہ صرف ماڈلنگ و اداکاری کرتی ہیں بلکہ وہ لکھاری بھی ہیں اور وہ انگریزی میں شاعری کرتی ہیں، وہ عام طور پر اس وقت شاعری کرتی ہیں جب محبت میں ان کا دل ٹوٹتا ہے۔

نوال سعید نے اعتراف کیا کہ انہوں نے بہت بار ‘بریک اَپ’ ہونے کے بعد ہی شاعری لکھی۔ اداکارہ نے بتایا کہ وہ چاہتی ہیں کہ ان کا ہونے والا شریک حیات مخلص اور سچا انسان ہو، سب کو اہمیت دیتا ہو اور ان میں کسی طرح کا غرور نہ ہو۔

شادی کے سوال پر انہوں نے اعتراف کیا کہ ان کی خواہش ہے کہ ان کی شادی ہو جائے، انہیں شادی کرنے کا بہت شوق ہے، ان کی خواہش ہے کہ ان کی اصلی شادی ہو، اداکارہ نے مسکراتے ہوئے کہا کہ وہ ڈراموں میں تو دُلہن بنی ہیں لیکن اب وہ حقیقت اور اصل میں شادی کرنا چاہتی ہیں، انہوں نے کہا کہ وہ یہ نہیں چاہتیں کہ ان کی شادی فوری اور جلدی ہو جائے لیکن ان کی خواہش ہے کہ وہ رشتہ ازدواج سے منسلک ہو جائیں۔

ثاقب نثار کے ہاتھوں قومی خزانے میں لوٹ مار کی کہانی