ایل این جی سوئی ناردرن کیلئےمہنگی،سوئی سدرن کیلئےسستی ہوگئی

اوگرا نے درآمدی ایل این جی کی قیمت میں ردوبدل کرتے ہوئے سوئی ناردرن سسٹم پر ایل این جی مہنگی  اور سوئی سدرن کے لیے سستی کردی۔

اوگرا نے اپریل کیلئے ایل این جی کی قیمتوں کا نوٹیفکیشن جاری کردیا ہے۔

نوٹیفکیشن کے مطابق  سوئی نادرن سسٹم پر درآمدی ایل این جی 52.0 ڈالر فی ایم ایم بی ٹی یو مہنگی کردی گئی ہے جب کہ سوئی سدرن سسٹم پر ایل این جی 13.0 ڈالر فی ایم ایم بی ٹی یو سستی کی گئی ہے۔

سوئی نادرن سسٹم پر ایل این جی کی قیمت 47.13 ڈالرفی ایم ایم بی ٹی یو مقرر کی گئی ہے جب کہ  سوئی سدرن سسٹم پر ایل این جی کی نئی قیمت 59.12 ڈالر فی ایم ایم بی ٹی یو مقرر کی گئی ہے۔

مار چ میں سوئی نادرن سسٹم پر قیمت 94.12 ڈالر فی ایم ایم بی ٹی یو تھی جب کہ مارچ میں سوئی سدرن سسٹم پر قیمت 72.12 ڈالر فی ایم ایم بی ٹی یو تھی۔

اوگرا کے مطابق  قیمت میں اضافہ کارگو کے لنگر انداز  ہونے تک کی لاگت میں اضافے کی وجہ سے ہے، سوئی سدرن کیلئےکمی یو ایف جی کی شرح میں کمی کی وجہ سے ہے۔