ایل پی جی سلنڈر کی قیمت میں اضافہ، نوٹیفکیشن جاری

آئل اینڈ گیس ریگولیٹری اتھارٹی  نے مائع پیٹرولیم گیس مہنگی کرنے کا نوٹی فکیشن جاری کردیا۔

اوگرا نے ایل پی جی 54 پیسے فی کلو مہنگی کردی۔ ایل پی جی کی قیمت میں اضافے پر عملدرآمد یکم اپریل سے ہوگا۔

نوٹیفکیشن کے مطابق ایل پی جی کی نئی قیمت 248 روپے37 پیسے فی کلو مقرر کردی گئی ہے 11.8 کلو گرام کا ایل پی جی کا گھریلو سلنڈر 6 روپے 40 پیسے مہنگا کردیا گیاہے۔ایل پی جی کے 11.8 کلو گرام کے گھریلو سلنڈر کی نئی قیمت 2 ہزار 930  روپے 71 پیسے مقرر کردی گئی ہے، ایل پی جی کی قیمت میں پروڈیوسر پرائس،مارجن اورٹرانسپورٹیشن شامل ہیں۔

نوٹیفکیشن کے مطابق مارکیٹنگ،ڈسٹری بیوشن اور ٹرانسپورٹ مارجن 35 ہزار روپے فی میٹرک ٹن شامل ہے۔مارکیٹنگ مارجن سترہ ہزار روپے،ڈسٹری بیوشن مارجن دس ہزار روپے فی ٹن مقرر کی گئی ہے جبکہ ٹرانسپورٹیشن چارجز آٹھ ہزار روپے فی ٹن شامل ہے۔