ہنگامہ آرائی کیس : رہنما پی ٹی آئی اعظم سواتی کا مزید 7 روزہ جسمانی ریمانڈ منظور
راولپنڈی کی انسداد دہشت گردی عدالت نے جلاؤ گھیراؤ اور توڑ پھوڑ کیس میں رہنما پی ٹی آئی اعظم سواتی کا مزید 7 روز کا جسمانی ریمانڈ منظور کرلیا۔
رہنما پی ٹی آئی اعظم سواتی کو 2 روزہ جسمانی ریمانڈ مکمل ہونے پر انسداد دہشت گردی عدالت راولپنڈی میں پیش کیاگیا۔
راولپنڈی کی انسداد دہشت گردی عدالت کے جج امجد علی شاہ نے جسمانی ریمانڈ کی درخواست پر سماعت کی۔
پولیس کی جانب سے اعظم سواتی کےمزید جسمانی ریمانڈ کی استدعا کی گئی جس پر عدالت نے اعظم سواتی کا مزید 7 روز کا جسمانی ریمانڈ منظور کرلیا۔
یاد رہے کہ اعظم سواتی پر دہشت گردی کی دفعات کےتحت تھانہ ٹیکسلا میں مقدمہ درج ہے۔
عمران خان نے ٹرمپ کی کامیابی کو اچھی پیش رفت قرار دیا : علی محمد خان
اعظم سواتی پر جلاؤ گھیراؤ،توڑ پھوڑ،ہنگامہ آرائی اور کار سرکار میں مداخلت کا الزام ہے۔
خیال رہےکہ دو روز قبل سابق وفاقی وزیر اعظم سواتی کو اٹک جیل سے رہا ہوتے ہی پولیس نے دوبارہ گرفتار کیاتھا۔
