مستونگ : پولیس ٹرک پر دھماکا، 3 اہلکار شہید اور 16 زخمی
مستونگ میں پولیس کےٹرک پردھماکےکے نتیجے میں 3 پولیس اہلکار شہید ہوگئے۔
پولیس حکام کےمطابق مستونگ میں شمس آباد کے قریب پولیس کے ٹرک کو نشانہ بنایا گیا اور اس دوران دھماکے کے نتیجے میں 3 اہلکارشہید جب کہ 16 زخمی ہوئے ہیں۔
ریسکیو ذرائع کےمطابق دھماکے کےبعد زخمیوں اور لاشوں کو اسپتال منتقل کردیا گیا ہے۔
ترجمان بلوچستان حکومت شاہدرند کےمطابق دھماکا مستونگ کےعلاقے کنڈ مسوری کے قریب ہوا ہے جہاں آر ٹی سی قلات سے پولیس اہلکاروں کو لےجانے والےٹرک پر آئی ای ڈی دھماکاکیاگیا۔
کرک :انڈس ہائی وے پر ٹریلر اور وین میں خوفناک تصادم، 10 افراد جاں بحق
شاہد رند کےمطابق بولان میڈیکل کمپلیکس اسپتال اور سول اسپتال میں ایمرجنسی نافذ کردی گئی ہے جب کہ مستونگ دھماکے کےزخمیوں کو کوئٹہ منتقل کیا جارہا ہے۔
وزیر اعلیٰ بلوچستان سرفراز بگٹی کی دھماکےکی مذمت کی اور زخمیوں کو بہتر طبی امداد کی فراہمی کی ہدایت کی ہے۔
سرفراز بگٹی نےکہاکہ زخمیوں کےعلاج معالجے میں کوئی غفلت برداشت نہیں کی جائےگی،حکومت بلوچستان شہداء کے شانہ بشانہ کھڑی ہوگی۔
