مفتاح اسماعیل کی امریکی ٹیرف سے نمٹنے کےلیے امریکا سے مزید درآمدات بڑھانے کی تجویز

سابق وفاقی وزیر خزانہ مفتاح اسماعیل نے امریکی ٹیرف سے نمٹنے کےلیے امریکا سے درآمدات مزید بڑھانے کی تجویز دیتے ہوئے کہا کہ امریکا پر ڈیوٹی کم کرنے کے بجائے امریکا سے درآمدات بڑھانی چاہیے۔

رہنما عوام پاکستان پارٹی اور سابق وزیر خزانہ مفتاح اسماعیل نے کہا کہ پاکستان کو امریکا پر ڈیوٹی کم کرنے کے بجائے امریکا سے مزید اشیاء خریدنے کی کوشش کرنی چاہیے،کیوں کہ پاکستان پر امریکا کی جانب سے اضافی ٹیرف لگانےکی بنیادی وجہ امریکا کا تجارتی خسارہ ہے۔

مفتاح اسماعیل کا کہنا تھا کہ پاکستان 10،12سال سے قید ایک شخص کو رہا کر کے بھی ٹرمپ کی سیاسی ضرورت پوری کر سکتا ہے۔

ان کاکہنا تھاکہ عالمی منڈی میں تیل سستا ہوا اور اجناس کی عالمی قیمتیں گرگئیں تو اس کا بھی ہمیں فائدہ ہوگا لیکن پاکستان کو فوری طور پر امریکا سے تجارتی ڈیل بھی کرنی چاہیے۔

صدر آصف زرداری کی طبیعت میں بتدریج بہتری

یاد رہےکہ گزشتہ دنوں صدر ڈونلڈ ٹرمپ کی جانب سے پاکستان،چین اور ترکیہ سمیت دنیا کے مختلف ممالک پر جوابی ٹیرف عائد کرنے کا اعلان کیاگیا۔

امریکی صدر نے پاکستانی مصنوعات پر 29 فیصد ٹیرف عائد کرنےکا اعلان کیا ہے جو 9 اپریل سے نافذ العمل ہوگا۔