پاکستانی فاسٹ بائولر نسیم شاہ کی منگنی کی خبریں اس وقت سوشل میڈیا پر خوب گرم ہے، فاسٹ بائولر نے حالیہ انٹرویو میں ایسی تمام افواہوں کی تردید کرتے ہوئے کہا ہے کہ فی الحال منگنی کرنے کا کوئی اراداہ نہیں ہے۔نسیم شاہ ان دنوں انگلش لیگ ٹی ٹوئنٹی وائٹلٹی بلاسٹ کھیل رہے ہیں جن کے حوالے سے گزشتہ کچھ عرصے سے سوشل میڈیا پر خبریں زیر گردش تھیں کہ کرکٹر کی منگنی ہوگئی ہے۔

اس حوالے سے فاسٹ بائولر نے خود بھی ان افواہوں کی انسٹا گرام سٹوری کے ذریعے تردید کی تھی تاہم اب جیو نیوز سے خصوصی گفتگو میں ایک بار پھر نسیم شاہ نے اس حوالے سے بات چیت کی ہے۔نسیم شاہ نے کہا میری منگنی کی تمام افواہیں بالکل غلط ہیں کیونکہ ایسا کچھ نہیں ہوا، مجھے سمجھ نہیں آتی کہ سب میری منگنی یا شادی میں اتنی دلچسپی کیوں رکھتے ہیں؟ لوگ کرکٹ میں کھلاڑیوں کی کارکردگی پر توجہ دینے کے بجائے اچانک ان کی شادیوں اور مصروفیات پر کیوں توجہ مرکوز کر دیتے ہیں؟

فاسٹ بائولر نے مداحوں کو مشورہ دیا کہ بس ہمیں کرکٹ کھیلتا دیکھیں اور اس سے لطف اندوز ہوں، شادی میرا ذاتی معاملہ ہے اور یہ تب ہی ہوگی جب قسمت میں ہوگا، انگلش لیگ کا حصہ ہونے پر فاسٹ بائولر کا کہنا تھا کہ مجھے صرف چند گیمز کھیلنے کا موقع ملا جو ایک اچھا تجربہ تھا اور میں اپنی کارکردگی سے خوش ہوں۔نسیم شاہ نے ٹی 20 بلاسٹ میں لیسٹر شائر فاکس کے لیے اب تک چار میچ کھیلے ہیں، قومی باولر نے زبردست بائولنگ کا مظاہرہ کرتے ہوئے چار میچوں میں تین وکٹیں حاصل کیں جبکہ صرف 7.46 رنز فی اوور کی اوسط سے مجموعی طور پر صرف 112 رنز دیئے۔

جیو نیوز سے گفتگو کرتے ہوئے نسیم کا مزید کہنا تھا کہ میری توجہ ابھی سری لنکا میں ہونے والی ٹیسٹ سیریز سمیت ان تمام مواقع پر ہے جو مجھے حاصل ہوں گے، میں جلد ہی پاکستان کرکٹ بورڈ کی طرف سے نیشنل کرکٹ اکیڈمی لاہور میں لگائے گئے خصوصی کرکٹ کیمپ میں شرکت کروں گا، اُمید ہے کہ ورلڈ کپ تک ہماری تیاری مکمل ہوگی۔

واضح رہے کہ قومی کرکٹر کا بھارتی اداکارہ اروشی کے ساتھ افیئر کے خبریں بھی سوشل میڈیا کی زینت بنتی رہی ہیں جبکہ اروشی نے سوشل میڈیا پر

بجلی بچت کیلئے ملک بھر میں دکانیں رات 8 بجے بند کرنے کا فیصلہ

نسیم شاہ کو سالگرہ کی مبارکباد بھی دی تھی۔