اسٹیبلشمنٹ یا کسی اور سے باضابطہ مذاکرات نہیں ہورہے : سلمان اکرم راجہ
پی ٹی آئی کے سیکرٹری جنرل سلمان اکرم راجہ کا کہنا ہےکہ پارٹی کی سطح پر اسٹیبلشمنٹ یا کسی اور سے باضابطہ مذاکرات نہیں ہورہے۔ اعظم سواتی انفرادی طور پر مذاکرات کررہے ہیں،ہم انفرادی مذاکرات سے کسی کو نہیں روک رہے۔
لاہور میں میڈیا سے گفتگو کرتے ہوئے مرکزی رہنما پی ٹی آئی سلمان اکرم راجہ نے واضح کیاکہ سیاسی جدوجہد کا مقصد بالآخر مذاکرات ہی ہوتے ہیں،لیکن کوئی چور دروازہ تلاش نہیں کیا جارہا۔
سلمان اکرم راجہ نے کہاکہ اگر کوئی راہ نکالی جائے گی تو وہ اصولوں کی بنیاد پر ہوگی اور پارٹی شفاف انتخابات،قانون کی حکمرانی اور بنیادی حقوق کی بحالی جیسے مقاصد پر کسی قسم کی لچک نہیں دکھائے گی۔
ان کاکہنا تھاکہ اگر مذاکرات کسی ایسے نتیجے کی طرف جاتے ہیں جس میں شخصی آزادیوں اور بنیادی انسانی حقوق کی بحالی ممکن ہوتو پارٹی اس پر آمادہ ہوسکتی ہے۔ تاہم، انہوں نے اس خیال کو مسترد کیاکہ کوئی خفیہ یا غیر اصولی راستہ اختیار کیا جارہا ہے۔
انہون نے کہا کہ ہم ایک اصولی جدوجہد پر یقین رکھتے ہیں، اور کوئی ”پتلی گلی“ سے نکلنے کا راستہ اختیار نہیں کیا جائے گا۔
توشہ خانہ ٹو کیس : اڈیالہ جیل میں ہونے والی آج کی سماعت منسوخ ہوگئی
رہنما پی ٹی آئی سلمان اکرم راجہ نے کہاکہ اعظم سواتی انفرادی طور پر مذاکرات کررہے ہیں،ہم انفرادی مذاکرات سے کسی کو نہیں روک رہے۔اعظم سواتی اپنی کوشش میں کامیاب ہوتے ہیں تو اس پر پارٹی عمران خان سے اجازت لے گی۔
