لوئر کرم میں  آپریشن،مزید 20مطلوب شدت پسند اور مشتبہ ملزمان گرفتار

خیبرپختونخوا کے علاقے لوئر کرم میں شدت پسندوں کےخلاف آپریشن میں مزید 20 مطلوب اورمشتبہ ملزمان گرفتار کرلیے گئے۔

تفصیلات کے مطابق آر پی او کوہاٹ عباس مجید مروت نے بتایا کہ  شدت پسندوں کیخلاف آپریشن میں مزید 20 مطلوب اورمشتبہ ملزمان کو گرفتار کرلیا گیا،اب تک 57 مطلوب ملزمان سمیت 85 مشتبہ افراد کو گرفتار کیا جا چکا ہے۔ملزمان سے 83 مشین گنز،کلاشنکوفیں، 12 بندوقیں اور سیکڑوں گولیاں برآمد کی گئیں ہیں۔ملزمان سے لوٹا گیا 4 ٹرک کاسامان بھی برآمد ہوا ہے جس میں ادویات و دیگر روز مرہ کی اشیاء شامل ہیں۔

آر پی او کے مطابق پولیس اورسکیورٹی فورسز کا آپریشن لوئرکرم کے علاقوں اوچت، بگن،مندوری اوردیگر محلقہ علاقوں میں کیا جا رہا ہے۔